Luggage Rules in Flight : अनेकजण वेळ वाचण्यासाठी विमानाने (Flight) प्रवास करतात. परंतु अनेकांना विमानतळावर कोणत्या वस्तू न्याव्यात आणि कोणत्या वस्तू सोबत नेऊ नये? याबाबत माहिती (Luggage Rules) नसते.
जर तुम्हीही विमानतळावर (Airport) बंदी असलेल्या वस्तू नेत असाल तर वेळीच सावध व्हा. कारण तुम्हाला या वस्तूंमुळे तुरुंगात (Jail) जावे लागू शकते.
या गोष्टींवर बंदी आहे :-
नंबर 1
तुम्ही विमानात कोणत्याही प्रकारचे मादक पदार्थ (Narcotics) घेऊन प्रवास करू शकत नाही. विडी, सिगारेट आणि तंबाखू व्यतिरिक्त गांजा, हेरॉईन यासारख्या वस्तू विमानतळावर नेऊ नका.
जर तुम्ही गांजा किंवा हेरॉईन (Heroin) बाळगताना पकडला गेलात, तर तुमच्यावर योग्य कारवाई करून तुम्हाला तुरुंगात टाकले जाऊ शकते.
नंबर 2
अलीकडेच, गुरुवारी दिल्लीतील इंदिरा गांधी आंतरराष्ट्रीय विमानतळावर (Indira Gandhi International Airport) एका प्रवाशाकडून सात मौल्यवान घड्याळे जप्त करण्यात आली. यातील एका घड्याळाची किंमत 27 कोटी रुपये असल्याचे सांगण्यात येत आहे. सीमाशुल्क विभागाने ही घड्याळे जप्त करून प्रवाशाला अटक केली आहे. अशा स्थितीत तुम्हाला समजले असेल की, कशाचीही तस्करी करण्याचा विचार करू नका.
नंबर 3
पिस्तूल, गन लायटर, बंदूक, पेलेट गन, स्टार्टर पिस्तूल, दारुगोळा इत्यादी कोणत्याही प्रकारची शस्त्रे तुम्ही उड्डाणात घेऊन जाऊ शकत नाही. या वस्तूंसह तुम्हाला विमानतळावर थांबवले जाते आणि संशयास्पद क्रियाकलापांसाठी अटक केली जाते.
नंबर 4
विमानतळावर जाताना तुम्हाला हेही लक्षात ठेवावे लागेल की कोणतीही टोकदार वस्तू सोबत नेऊ नका. यामध्ये बॉक्स कटर, रेझर ब्लेड, लायटर, धातूची कात्री इत्यादींचा समावेश आहे. तुम्ही त्यांच्यासोबत विमानात प्रवास करू शकत नाही.