Electric Bike : देशात दिवसेंदिवस इंधनाच्या किमती वाढत असल्यामुळे इलेक्ट्रिक गाड्यांची मागणी वाढू लागली आहे. तसेच भारतात अनेक कंपन्यांनी इलेक्ट्रिक टू-व्हीलर दाखल केल्या आहेत. मात्र आता महिंद्रा कंपनी देखील इलेक्ट्रिक टू-व्हीलर बाजारात आणण्याच्या तयारीत आहे.
अलीकडच्या काळात भारतात इलेक्ट्रिक टू-व्हीलरची मागणी वाढली आहे. लोक इलेक्ट्रिक वाहनांबरोबरच ICE वाहनांनाही पसंती देऊ लागले आहेत.
तुम्ही जुन्या डिझाईनची इलेक्ट्रिक मोटरसायकल शोधत असाल तर ही बातमी तुमच्यासाठी आहे. Pininfarina Easing PF 40 ही जुन्या डिझाईनची बाईक आहे जी बाजारात येणार आहे. इलेक्ट्रिक मोटरने सुसज्ज असलेली ही बाईक आहे.
ही इलेक्ट्रिक मोटरसायकल महिंद्रा आणि महिंद्राच्या मालकीची पिनिनफेरिना कंपनीने डिझाइन केली आहे. या इलेक्ट्रिक बाइकचा टॉप स्पीड 45 किमी प्रतितास आहे. या इलेक्ट्रिक मोपेडला युरोपियन रस्त्यांवर चालण्यासाठी परवान्याची गरज भासणार नाही, असे सांगण्यात येत आहे.
पिनिनफरिनाची ईव्ही आयसिंग पायोनियर इलेक्ट्रिक मोपेडवर आधारित आहे. आयसिंग ही डच इलेक्ट्रिक मोपेड उत्पादक आहे. आयसिंग इलेक्ट्रिक मोपेड श्रेणी पायोनियर ओरिजिनलची किंमत ग्राहकांना 7,070 युरो असेल.
पायोनियर एस स्पोर्टची किंमत 7,790 युरो, पायोनियर एस एक्सक्लुझिव्हची किंमत 9,160 युरो, टेलर मेड ओरिजिनलची किंमत 10,110 युरो आणि टॉप-रेंज पिनिनफेरिना PF40 ची किंमत 13,780 युरो आहे. भारतीय ऑटो मार्केटमध्ये या मोपेडची किंमत सुमारे 12 लाख रुपये असेल.
पिनिनफरिना पीएफ40 टू-व्हीलर कशी आहे?
Pininfarina PF40 मध्ये अलॉय व्हील्स देण्यात आले आहेत. याला उभ्या रिब्ड टायर देखील मिळतात, जे रेट्रो आणि उत्कृष्ट दिसतात. P40 चे गोल हेडलाइट्स वेगळ्या हेडलाइट काउलने वेढलेले आहेत, ज्यामध्ये LEDs आणि नवीन डिझाइन आहे.
किती वेळात चार्जिंग होणार आणि वजन किती?
ही बाईक 8 तासात चार्ज करता येते. जलद चार्ज केल्याने ही बाईक ४ तासात पूर्ण चार्ज होईल. या बाईकचे वजन 60 किलो आहे. हे मोपेड 110 किलो वजन उचलू शकते. या बाईकच्या दोन्ही चाकांमध्ये ड्रम ब्रेक देण्यात आले आहेत.