Mahindra SUV Cars Discount
Mahindra SUV Cars Discount : जुलै महिना सुरु होताच कार कंपन्या आपल्या विविध गाड्यांवर मोठ्या प्रमाणात डिस्काउंट ऑफर करत आहेत. अशातच देशातील लोकप्रिय कार निर्माता कंपनी महिंद्राने देखील आपल्या लोकप्रिय कारवर मोठ्या प्रमाणात सूट दिली आहे. कंपनी आपल्या काही निवडक मॉडेल्सवर 73,000 रुपयांपर्यंतची मोठी सूट ऑफर करत आहे.
कंपनी महिंद्रा थार 4X4, XUV300, बोलेरो, बोलेरो निओ आणि Marazzo MPV वर सूट देत आहे. जुलै 2023 मध्ये महिंद्राच्या कोणत्या कार्सवर डिस्काउंट उपलब्ध आहे जाणून घेऊया.
Mahindra Marazzo
या महिन्यात Mahindra Marazzo कमाल 73,000 रुपयांपर्यंत सवलतीसह उपलब्ध आहे. त्याचा टॉप-स्पेक M6 व्हेरिएंट 73000 रुपयांच्या फायद्यासह ऑफर केली जात आहे, तर M4 वर 36000 रुपयांपर्यंत सूट देण्यात आली आहे. त्याच वेळी, त्याचा बेस M2 प्रकार 58,000 रुपयांच्या सवलतीसह उपलब्ध आहे. देशातील महिंद्रा मराझोच्या किंमती 14.10 लाख रुपयांपासून सुरू होतात आणि 16.46 लाख रुपयांपर्यंत जातात.
Mahindra Bolero
जुलै 2023 मध्ये महिंद्रा बोलेरोवर ग्राहक एकूण 60,000 रुपयांपर्यंत सूट घेऊ शकतात. त्याच्या बेस-स्पेक B4 व्हेरिएंटला 37000 रुपयांचा फायदा दिला जात आहे आणि B6 आणि B6 (O) व्हेरिएंटवर अनुक्रमे 25000 आणि 60000 रुपयांची सूट दिली जात आहे. महिंद्रा बोलेरोची भारतात किंमत 9.78 लाख ते 10.79 लाख रुपये आहे.
Mahindra XUV300
महिंद्राची सर्वाधिक विकली जाणारी कॉम्पॅक्ट SUV XUV300 जुलै 2023 मध्ये 55,000 रुपयांपर्यंतच्या सूटसह उपलब्ध आहे. त्याच्या T-GDi प्रकाराला 20,000 रुपयांचा फायदा मिळतो, तर डिझेल प्रकारात 20,000 ते 55,000 रुपयांपर्यंत सूट मिळते. सध्या, महिंद्रा XUV300 ची किंमत 8.42 लाख ते 14.60 लाख आहे.
Mahindra Bolero Neo
Mahindra Bolero Neo च्या N4 प्रकारावर या महिन्यात 22000 रुपयांची सूट मिळत आहे. त्याच्या मिड-स्पेक N8 व्हेरिएंटला 31000 रुपयांचा फायदा मिळत आहे, तर टॉप-स्पेक N10 R आणि N10 (O) वर 50000 रुपयांची सूट मिळते. महिंद्रा बोलेरो निओची भारतात किंमत 9.63 लाख ते 12.14 लाख रुपये दरम्यान आहे.
Mahindra Thar 4X4
जुलै 2023 मध्ये Thar 4X4 वर उपलब्ध असलेली सर्वात कमी सूट 30,000 रुपये आहे. Mahindra Thar 4X4 चे AX (O) आणि LX प्रकार 30,000 रुपयांच्या रोख सवलतीसह उपलब्ध आहेत. Mahindra Thar 4X4 च्या किमती 13.87 लाख आणि 16.57 लाख पासून सुरू होतात.