Maruti Suzuki : भारतात जर एखादा ग्राहक नवीन कार खरेदी करत असेल तर सर्वात अगोदर तिचे मायलेज आणि किंमत पाहिली जाते. त्यानंतर ती कार खरेदी केली जाते. परंतु, नवीन कार खरेदी केल्यानंतर तिचे मायलेज कमी होते. त्यामुळे वापरकर्त्यांना आर्थिक तोटा सहन करावा लागतो.
कारण पेट्रोल आणि डिझेलच्या किंमतीत सतत वाढ होत आहे. त्यामुळे आता कोणतीही गाडी चालवणे खूप महाग झाले आहे. परंतु, मारुती सुझुकीची ही कार मायलेज च्या बाबतीत सगळ्यांचा बाप आहे. एकवेळ तुम्ही गाडी चालवून थकाल पण तुमचे पट्रोल संपणार नाही.
टाकी फुल करून करा 853 किमी प्रवास
यात 32 लीटरची इंधन टाकी असून ती भरून, तुम्ही 26.68 किमी प्रति लिटरच्या मायलेजनुसार 853Km प्रवास करू शकता. त्यामुळे सेलेरियोचे मायलेज किती मजबूत आहे, हे तुम्हाला समजू शकते. समजा जर तुम्ही दिल्ली ते भोपाळ, दिल्ली ते उदयपूर, दिल्ली ते प्रयागराज आणि दिल्ली ते श्रीनगर असा प्रवास करत असल्यास तुम्हाला आता पेट्रोल भरण्याचे टेन्शन बिलकुल येणार नाही. कारण मायलेजच्या बाबतीत सेलेरियोसमोर मारुतीच्या सर्व मॉडेल्ससह टाटा, ह्युंदाई आणि इतर कंपन्यांच्या गाड्याही फेल झाल्या आहेत.
मिळणार 1000cc चे इंजिन
या कारमध्ये K10C Dualjet 1.0-लीटर तीन-सिलेंडर पेट्रोल इंजिन दिले जात असून हे स्टार्ट/स्टॉप सिस्टमसह येत आहे. हे इंजिन 66 एचपी पॉवर आणि 89 एनएम टॉर्क जनरेट करते. तर इंजिन 5-स्पीड मॅन्युअल आणि 5-स्पीड AMT गिअरबॉक्सशी जोडले आहे. परंतु हे लक्षात घ्या की ऑटोमॅटिक ट्रान्समिशन त्याच्या LXI प्रकारात उपलब्ध नाही. याचे मायलेज 26.68 kmpl आहे असा दावा कंपनी करत आहे.
बाहेरून दिसत आहे सुंदर कार
कंपनीच्या सेलेरियोला नवीन तेजस्वी फ्रंट ग्रिल, शार्प हेडलाइट युनिट्स आणि फॉग लाईट केसिंग्ज मिळत आहेत. फ्रंट बंपरला काळ्या रंगाचा अॅक्सेंट दिला आहे. S-Presso मधून काही घटक घेतले असून आउटगोइंग मॉडेलच्या तुलनेत कारची साइड प्रोफाइल पूर्णपणे वेगळी आहे. यात नवीन डिझाइनसह 15-इंच अलॉय व्हील असून तिच्या मागच्या बाजूस बॉडी-रंगीत मागील बंपर, फ्लुइड लुकिंग टेललाइट्स आणि कर्व्ही टेलगेट दिला आहे.
कसे आहे प्रीमियम इंटीरियर
सेलेरियोमध्ये जागा वाढवली असून या कारच्या आत, फर्स्ट-इन-सेगमेंट हिल होल्ड असिस्ट, इंजिन स्टार्ट-स्टॉप, मोठी इन्फोटेनमेंट स्क्रीन यासारखी फीचर्स उपलब्ध असणार आहेत. या कारला तीव्र डॅश लाइन्स, क्रोम अॅक्सेंटसह ट्विन-स्लॉट एसी व्हेंट्स, नवीन गियर शिफ्ट डिझाइन आणि अपहोल्स्ट्रीसाठी नवीन डिझाइनसह केंद्र-केंद्रित व्हिज्युअल अपील दिले जात आहे. इतकेच नाही तर यात Apple CarPlay आणि Android Auto साठी सपोर्ट असलेला 7-इंचाचा स्मार्टप्ले स्टुडिओ डिस्प्ले दिला जात आहे.
मिळणार 12 सुरक्षा फीचर्स
या कारमध्ये ड्युअल एअरबॅग्ज, EBD सह ABS, हिल होल्ड असिस्ट (फर्स्ट-इन सेगमेंट) यासह एकूण 12 सेफ्टी फीचर्स मिळत आहेत. याबाबत कंपनीचा दावा आहे की नवीन सेलेरिओ फ्रंटल-ऑफसेट, साइड क्रॅश आणि पादचारी प्रवाशांची सुरक्षा यासारख्या सर्व भारतीय सुरक्षा नियमांचे पालन करते. जर तुम्हाला ही कार खरेदी करायची असेल तर तुम्ही आर्क्टिक व्हाइट, सिल्की सिल्व्हर, ग्लिस्टेनिंग ग्रे, कॅफिन ब्राउन, रेड आणि ब्लू यासह सॉलिड फायर रेड आणि स्पीडी ब्लू या एकूण 6 रंगांमध्ये खरेदी करू शकता.