Meta Removed Bad Content : सध्या अनेक क्रिएटर्स फेसबुक आणि इंस्टाग्रामवर आपला कंटेंट टाकत असतात. याच क्रिएटर्सवर आता Meta ने कडक कारवाई केली आहे.
फेसबुकवरून Meta ने 29.2 दशलक्षपेक्षा जास्त खराब कंटेंट तर इंस्टाग्रामवरून 2.7 दशलक्ष जास्त खराब कंटेंट काढून टाकला आहे, त्यामुळे मेटाचा क्रिएटर्सना मोठा धक्का बसला आहे. हे प्रकरण नेमके काय आहे, मेटाला अशी कारवाई का करावी लागली ते जाणून घेऊयात.
1 ते 31 ऑक्टोबर दरम्यान, मेटाला भारतीय तक्रार प्रणालीद्वारे 703 अहवाल प्राप्त झाले होते. कंपनीने सांगितले की त्यांनी 516 प्रकरणांमध्ये वापरकर्त्यांना त्यांच्या समस्यांचे निराकरण करण्यासाठी डिव्हाइसेस परत केल्या आहेत.
IT नियम 2021 अंतर्गत सोशल नेटवर्कने आपल्या मासिक अनुपालन अहवालात असे म्हटले आहे की “आणखी 187 अहवालांपैकी जेथे विशेष पुनरावलोकन आवश्यक होते, आम्ही आमच्या धोरणांनुसार सामग्रीचे पुनरावलोकन केले आणि एकूण 120 अहवालांवर कारवाई करण्यात आली आहे.”
मेटाने असेही म्हटले आहे की उरलेल्या 67 अहवालांचे पुनरावलोकन करण्यात आले आहे. मात्र त्यावर अजूनही कोणतीच कार्यवाही केली गेली नाही. इंस्टाग्रामवर, कंपनीला भारतीय तक्रार प्रणालीद्वारे 1,377 अहवाल मिळालेले आहेत.
मेटाने पुढे असेही सांगितले की “या येणार्‍या अहवालांमध्ये, आम्ही वापरकर्त्यांना 982 प्रकरणांमध्ये त्यांच्या समस्यांचे निराकरण करण्यासाठी साधने प्रदान केली आहे.
यामध्ये काही विशिष्ट उल्लंघनांसाठी कंटेंटची तक्रार करण्यासाठी पूर्व-स्थापित चॅनेल, सेल्फ-हिलिंग फ्लो, जेथे ते त्यांचा डेटा डाउनलोड करू शकतात, खाते हॅक केलेल्या समस्यांचे निराकरण करण्याचे मार्ग आणि बरेच काही समावेश करतात.
इतर 395 अहवालांपैकी, मेटाने त्यांच्या धोरणांनुसार कंटेंटचे पुनरावलोकन केले आहे. त्यापैकी त्यांनी एकूण 274 अहवालांवर कारवाई केली आहे. उरलेल्या 121 अहवालांचे पुनरावलोकन केले असून त्यांचा अजून लिलाव केला नाही. आता नवीन IT नियम 2021 अंतर्गत, 50 लाखांहून अधिक वापरकर्ते असलेल्या डिजिटल आणि सोशल मीडिया प्लॅटफॉर्मला मासिक अनुपालन अहवाल प्रकाशित करावा लागणार आहे.
“आम्ही क्रिएटर्सच्या कंटेंटच्या तुकड्यांची संख्या मोजतो. आम्ही आमच्या मानकांच्या विरोधात कारवाई करतो. कारवाई करण्यामध्ये Facebook किंवा Instagram वरून कंटेंटचा एक भाग काढून टाकणे किंवा चेतावणीसह काही वापरकर्त्यांना त्रास देणारा फोटो किंवा व्हिडिओ कव्हर करणे समाविष्ट असू शकते.” असेही मेटाने सांगितले आहे.