अहमदनगर Live24 टीम, 14 मार्च 2021:-केंद्र सरकारने ‘वन नेशन-वन राशन कार्ड’ लाभार्थ्यांसाठी ‘माय रेशन’ मोबाइल अ‍ॅप सुरू केले आहे. वन नेशन वन रेशन कार्ड सिस्टम ही एक महत्वाची नागरिककेंद्रीत सुधारणा आहे.
अ‍ॅप सध्या इंग्रजी आणि हिंदी भाषेत उपलब्ध आहे. येत्या काही दिवसात किंवा महिन्यांत अ‍ॅप मध्ये आणखी फंक्शन समाविष्ट केली जातील. अ‍ॅप लवकरच 14 भाषांमध्ये उपलब्ध होईल. माय रेशन अ‍ॅप च्या मदतीने लाभार्थी कोणत्याही सरकारी रेशन दुकानातून सहजपणे त्यांचे रेशन मिळवू शकतात.
हे अ‍ॅप विशेषतः अशा लोकांसाठी फायदेशीर ठरणार आहेत जे आपल्या रोजीरोटीसाठी घरापासून दुसर्‍या ठिकाणी गेले आहेत. वन नेशन-वन रेशन कार्ड सिस्टमच्या अंमलबजावणीमुळे लाभार्थ्यांना राष्ट्रीय अन्न सुरक्षा कायदा (एनएफएसए) आणि इतर कल्याणकारी योजनांमध्ये विशेषतः स्थलांतरित कामगार आणि त्यांच्या कुटुंबियांना संपूर्ण देशात कोठेही फेयर प्राइस शॉप (FPS) मध्ये रेशन उपलब्धता होते.
या प्रसंगी अन्न सचिव सुधांशु पांडे म्हणाले, वन नेशन, वन रेशन कार्ड योजना सुरूवातीला ऑगस्ट 2019 मध्ये चार राज्यांत सुरू करण्यात आली होती आणि फारच थोड्या काळामध्ये डिसेंबर 2020 पर्यंत 32 राज्ये आणि केंद्रशासित प्रदेशात ती लागू केली गेली. उर्वरित 4 राज्ये आणि केंद्रशासित प्रदेश आसाम, छत्तीसगड, दिल्ली आणि पश्चिम बंगालमध्ये देखील पुढील काही महिन्यांत लागू होण्याची शक्यता आहे.
हे आहेत माय रेशन अ‍ॅप चे फायदे
आधार क्रमांकासह लॉगिन करा :- लाभार्थी माय रेशन मोबाईल अ‍ॅपवर आधार किंवा रेशनकार्ड क्रमांकाद्वारे लॉग इन करू शकतील.