NSE SCAM :- NSE घोटाळ्यात सामील असलेला ‘योगी ऑफ हिमालय’ बद्दल नवनवीन माहिती बाहेर येत आहे. सीबीआयच्या सुरुवातीच्या तपासात एनएसईचे माजी ग्रुप ऑपरेटिंग ऑफिसर आनंद सुब्रमण्यन हेच ‘ते’ रहस्यमय योगी असल्याचे संकेत मिळाले आहेत, ज्यांचा सेबीच्या तपासात वारंवार उल्लेख केला गेला आहे.
ही माहिती सूत्रांनी दिली आहे. देशातील सर्वात मोठ्या तपास यंत्रणेने गुरुवारी रात्री सुब्रमण्यम यांना अटक केली आहे. सुब्रमण्यन हे NSE चे माजी MD आणि CEO चित्रा रामकृष्ण यांचे सल्लागार होते.
चेन्नई कोर्टाकडून ट्रान्झिट रिमांड मिळाल्यानंतर शुक्रवारी दुपारी सुब्रमण्यम यांना दिल्लीत आणण्यात आले आहे . यापूर्वी SEBI ने NSE मध्ये कॉर्पोरेट गव्हर्नन्सच्या प्रकरणांची तपासणी केली होती.
सुब्रमण्यन यांच्या नियुक्तीमध्ये नियमांचे उल्लंघन केल्याचे आढळून आल्यानंतर त्यांनी चित्रा व सुब्रमण्यन यांच्यासह काही लोकांना दंड ठोठावला होता.
त्या तपासात एक कथित योगी उघड झाला ज्याच्या इशाऱ्यावर चित्रा एनएसईशी संबंधित निर्णय घेत असे. सुब्रमण्यन यांची भरघोस पगारावर नियुक्तीही चित्रा यांनी कथित योगीच्या सूचनेवरून केली होती.
सीबीआयकडून या प्रकरणाच्या तपासात अनेक गूढ उकलण्याची अपेक्षा आहे.सुब्रमण्यन हे या घोटाळ्यात सहभागी असलेले पहिले व्यक्ती आहेत, ज्यांना अटक करण्यात आले आहे. चेन्नईत चार दिवसांच्या चौकशीनंतर सीबीआयने सुब्रमण्यन यांना अटक केली.
खरं तर कथित योगी आणि चित्रा यांच्यातील अनेक ईमेल एक्सचेंजची माहिती सेबीला मिळाली होती. चौकशीदरम्यान सुब्रमण्यन सीबीआयच्या अनेक प्रश्नांची उत्तरे देऊ शकले नाहीत, असे सांगण्यात आले आहे.
सुब्रमण्यम यांच्या आधी सीबीआयने चित्रा आणि एनएसईचे माजी एमडी रवी नारायण यांची चौकशी केली होती. सीबीआयने 2018 मध्ये या प्रकरणी एफआयआर नोंदवला होता.
पण आता या प्रकरणाशी संबंधित लोकांची चौकशी सुरू केली आहे. सेबीच्या तपासाचे निकाल समोर आल्यानंतर कथित योगी यांच्याबाबत अनेक प्रकारचे अटकळ बांधले जात होते. चित्रा या 2013 मध्ये जेव्हा NSE च्या CEO बनल्या तेव्हा त्यांनी सुब्रमण्यन यांना 1.63 कोटी पगाराची ऑफर दिली.
खरेतर त्यांना NSE मध्ये मुख्य धोरणात्मक सल्लागार म्हणून रुजू होण्याची ऑफर देण्यात आली होती. याआधी सुब्रमण्यन हे ट्रान्सफर सर्व्हिसेस लिमिटेडमध्ये लीजिंग आणि रिपेअर सर्व्हिसेसचे व्हीपी होते.
त्यांना भांडवली बाजाराचा अनुभव नव्हता. त्यावेळी त्यांना फक्त 14 लाख रुपये पगार मिळत होता. विशेष म्हणजे त्यानंतर सुब्रमण्यम यांच्या पगारावर कोणीही प्रश्न उपस्थित केला नाही.
त्यांना लवकरच गट संचालन अधिकारी बनवण्यात आले. NSE मधील जवळपास प्रत्येक कर्मचारी त्याना रिपोर्ट करत असे. 2016 मध्ये, ते NSE मधील सर्वात शक्तिशाली लोकांपैकी एक होते. चित्रा रामकृष्ण यांचे ते सल्लागारही होते. NSE मधील त्यांचा पगार सुमारे 4.21 कोटी रुपये झाला होता.
