अहमदनगर Live24 टीम, 16 सप्टेंबर 2021 :- देशभरात सलग 11व्या दिवशी पेट्रोल आणि डिझेलच्या किंमती स्थिर आहेत. मध्यंतरी पेट्रोल आणि डिझेलच्या किंमतीत किंचित कपात झाली होती. मात्र, हा आनंद फार काळ टिकला नाही.

कारण, गेल्या दहा दिवसांपासून पेट्रोल आणि डिझेलच्या किंमती जैसे थे आहेत. त्यामुळे इंधन दरात कपात होऊन महागाईपासून दिलासा मिळेल, या सामान्यांच्या आशा तुर्तास धुळीला मिळाल्या आहेत. आज दिल्लीमध्ये पेट्रोलचे दर 101.19 रुपये प्रति लीटरवर स्थिर राहिले.

त्याचवेळी डिझेलचा दर 88.62 रुपये प्रति लिटर राहिला. सरकारी तेल कंपन्या दरांचा आढावा घेऊन दररोज पेट्रोल आणि डिझेलचे दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम सुधारित करतात आणि रोज 6 वाजेपासून पेट्रोलचे दर आणि डिझेलचे दर जारी करतात.

महानगरांमधील आजचे नवीनतम दर जाणून घ्या –

– आता दिल्लीत 1 लीटर पेट्रोलची किंमत 101.19 रुपये आहे. त्याचबरोबर 1 लीटर डिझेल 88.62 रुपये प्रति लिटर आहे.

– आता कोलकातामध्ये 1 लीटर पेट्रोलची किंमत 101.62 रुपये आहे. त्याच वेळी, 1 लीटर डिझेल 91.71 रुपये प्रति लिटर आहे.

– आता मुंबईत 1 लीटर पेट्रोलची किंमत 107.26 रुपये आहे. तर 1 लीटर डिझेल 96.19 रुपये प्रति लिटर आहे.

– आता चेन्नईमध्ये 1 लीटर पेट्रोलची किंमत 99.12 रुपये आहे. त्याचबरोबर 1 लीटर डिझेल 93.40 रुपये प्रति लिटर आहे.

असे ठरवतात किंमत – परदेशी विनिमय दरासह आंतरराष्ट्रीय बाजारात क्रूडचे दर काय आहेत यावर आधारित पेट्रोल आणि डिझेलचे दर दररोज बदलत असतात. याच्या आधारे तेल कंपन्या दररोज पेट्रोल दर आणि डिझेल दर निश्चित करण्याचे काम करतात.

पेट्रोलमध्ये किती आहे टॅक्स ? आपण पेट्रोल आणि डिझेलसाठी जी किहीम मोजता त्यापैकी पेट्रोलसाठी 55.5 टक्के आणि डिझेलसाठी 47.3 टक्के टॅक्स भरत आहात.

पेट्रोल पंप डीलरचे कमीशन महाग करते इंधन – डीलर्स म्हणजे पेट्रोल पंप चालवतात ते लोक. ते कर आणि त्यांचे स्वतःचे मार्जिन जोडल्यानंतर ग्राहकांना त्या दराने पेट्रोल स्वत: विकतात. पेट्रोल दर आणि डिझेल दरामध्येही ही किंमत जोडली जाते.