OnePlus Offers : स्मार्टफोन खरेदी करताना नेहमी सर्वजण ऑफर विचारतात. ऑफरमुळे तुम्ही खरेदी करत असलेल्या स्मार्टफोनमध्ये तुमचे काही प्रमाणात पैसे वाचतात.
दरम्यान, Amazon India धमाकेदार डीलमध्ये, तुम्ही MRP पेक्षा खूपच कमी किमतीत OnePlus प्रीमियम स्मार्टफोन OnePlus 10 Pro 5G खरेदी करू शकता. हा फोन 71,999 रुपयांच्या MRP सह येतो.
मात्र या स्मार्टफोनची सेलमधील किंमत 66,999 रुपयांपर्यंत खाली आली आहे. फोन खरेदी करण्यासाठी तुम्ही CITI बँकेचे कार्ड वापरल्यास, तुम्हाला 6,000 रुपयांपर्यंतची आणखी सूट मिळू शकते. इतकंच नाही तर हा फोन 13,300 रुपयांपर्यंतच्या एक्सचेंज बोनससह तुमचाही असू शकतो.
मात्र तुम्हाला एक गोष्ट लक्षात ठेवावी लागणार आहे की जुन्या फोनच्या बदल्यात मिळणारा एक्सचेंज बोनस त्याच्या स्थितीवर अवलंबून असेल. Amazon डील, संपूर्ण एक्सचेंज बोनस आणि बँक ऑफरसह, फोनवर एकूण सवलत 24,300 रुपयांपर्यंत जाते. ही ऑफर फोनच्या Volcanic Black कलर वेरिएंटसाठी आहे, जी 12GB RAM आणि 256GB अंतर्गत स्टोरेजसह येते.
OnePlus 10 Pro 5G ची वैशिष्ट्ये
कंपनी फोनमध्ये 6.7-इंचाचा QHD + AMOLED डिस्प्ले देत आहे, जो 3216×1440 पिक्सेल रिझोल्यूशनसह येतो. हा डिस्प्ले 120Hz च्या रीफ्रेश दर आणि 1300 nits च्या पीक ब्राइटनेस पातळीला सपोर्ट करतो.
तसेच फोन 12 GB पर्यंत रॅम आणि 512 GB पर्यंत अंतर्गत स्टोरेज पर्यायामध्ये उपलब्ध आहे. प्रोसेसर म्हणून यामध्ये ऑक्टा-कोर स्नॅपड्रॅगन 8 Gen 1 चिपसेट दिला जात आहे.
फोनच्या मागील बाजूस फोटोग्राफीसाठी एलईडी फ्लॅशसह तीन कॅमेरे आहेत. यामध्ये 50-मेगापिक्सलचा अल्ट्रा-वाइड अँगल आणि 48-मेगापिक्सेलच्या मुख्य लेन्ससह 8-मेगापिक्सलचा टेलीफोटो कॅमेरा समाविष्ट आहे. त्याचबरोबर सेल्फीसाठी कंपनीने या फोनमध्ये 32-मेगापिक्सलचा फ्रंट कॅमेरा दिला आहे.
दरम्यान हा फोन 5000mAh बॅटरीने सुसज्ज आहे, जो 80W फास्ट चार्जिंगला सपोर्ट करतो. यात 50W वायरलेस चार्जिंग देखील आहे. इन-डिस्प्ले फिंगरप्रिंट सेन्सर असलेला हा फोन Android 12 वर आधारित ColorOS 12.1 वर काम करतो.