file photo
अहमदनगर Live24 टीम, 26 फेब्रुवारी 2021 :-गावठी कट्टा व बुलेट मोटार सायकल विक्री करण्यासाठी शेवगाव तालुक्यातील भातकुडगाव फाटा येथे आलेल्या आरोपींना पोलिसांनी गजाआड केले आहे.
याबाबत अधिक माहिती अशी कि, उपविभागीय पोलीस अधिकारी सुदर्शन मुंढे यांना गोपनिय बातमीदारामार्फत बातमी मिळाली की, भातकुडगाव फाटा ते भातकुडगावाकडे जाणारे रोडवर तीन इसम गावठी बनावटीचा कट्टा विक्री साठी बुलेट मोटार सायकलवर येणार आहेत.
त्यानुसार पोलीस पथक कारवाईसाठी सज्ज झाले. पोलीस पथकाने संशयित बुलेट मोटार सायकलला हात दाखवून थांबविले असता सदर मोटार सायकल वरील तीन्ही इसम मोटार सायकल जागेवर सोडुन पळू लागले.
दरम्यान पोलिसांनी तिघांना ताब्यात घेत त्यांचे नाव विचारले असता, यामध्ये कुष्णा बाबासाहेब गुंड (वय 23 वर्ष रा.अरणगाव, अहमदनगर), नवाज रौफ सय्यद (वय 20 वर्ष रा.माळीवाडा, नगर),
विकास दिलीप खरपुडे ( वय 30 वर्ष रा बुरुडगाव रोड अहमदनगर) असे असल्याचे कळवले. सदर आरोपींची अंगझडती घेतली असता कृष्णा बाबासाहेब गुंड याचे कमरेला एक गावठी बनावटीचा कट्टा किमंत 25000 ,
नवाज रौफ सय्यद याचे पॅन्टचे खिशामध्ये दोन जिंवत काडतुसे किमत 1000 आणि विकास दिलीप खरपुडे याचे ताब्यात काळे रंगाच्या विना नंबरच्या क्लासीक 350मॉडेलची बुलेट किंमत 225000 असा एकुन
2 लाख 51 हजार किमतीचा मुद्देमाला मिळुन आल्याने तो पंचासह पंचनामा करुन ताब्यात घेतला आहे. सदर बाबत शेवगाव पोलीस स्टेशनला गुन्हा दाखल करण्यात आला असुन गुन्हाचा पुढील तपास सपोनि सुजित ठाकरे हे करीत आहेत