IRCTC Tour Packages: जर तुम्ही ऑगस्ट (August) महिन्यात धार्मिक (religious journey) यात्रा करण्याचा विचार करत असाल तर ही बातमी खास तुमच्यासाठी आहे. IRCTC तुमच्यासाठी एक उत्तम टूर पॅकेज (tour package) घेऊन आले आहे.
या पॅकेजअंतर्गत तुम्हाला भगवान रामाचे (Lord Ram) जन्मस्थान असलेल्या अयोध्येला (Ayodhya Darshan) भेट देण्याची संधी मिळत आहे. याशिवाय तुम्हाला पॅकेज अंतर्गत नैमिषारण्य, प्रयागराज, सारनाथ आणि वाराणसीलाही भेट देण्याची संधी मिळेल. येथे तुम्हाला अनेक सुंदर घाट आणि ऐतिहासिक मंदिरे पाहायला मिळतील.
देशातील अनेक लोक हे IRCTC पॅकेज बुक करत आहेत. जर तुम्हाला या पवित्र धार्मिक स्थळांना भेट द्यायची असेल, तर तुम्ही विलंब न करता IRCTC चे हे टूर पॅकेज बुक करा. IRCTC च्या या टूर पॅकेज अंतर्गत तुम्हाला एकूण 5 रात्री आणि 6 दिवस प्रवास करण्याची संधी मिळत आहे. या पॅकेजबद्दल सविस्तर जाणून घेऊया.
या पॅकेजमध्ये तुम्हाला फ्लाइटने प्रवास करण्याची संधी मिळणार आहे. IRCTC चे हे टूर पॅकेज 15 ऑगस्ट 2022 रोजी हैदराबाद येथून सुरू होईल. त्यानंतर तुम्हाला थेट वाराणसीला नेले जाईल. तुम्हाला वाराणसीमध्ये 2 रात्री, अयोध्येत 1 रात्र आणि लखनऊमध्ये 2 रात्री राहण्याची संधी मिळेल.
प्रवासात तुम्हाला खाण्यापिण्याची काळजी करण्याची गरज नाही. तुमच्या खाण्यापिण्याची आणि राहण्याची व्यवस्था IRCTC द्वारे केली जाईल. प्रवासादरम्यान तुम्हाला इतर ठिकाणी जाण्यासाठी एसी बसची सुविधा मिळत आहे. याशिवाय IRCTC च्या या टूर पॅकेजमध्ये तुम्हाला विम्याची सुविधाही मिळत आहे.
जर तुम्ही या टूर पॅकेज अंतर्गत एकट्याने प्रवास करण्याचा विचार करत असाल तर तुम्हाला 36,600 रुपये खर्च करावे लागतील. तर, दोन लोकांसह प्रवास करण्यासाठी, प्रति व्यक्ती भाडे 29,650 रुपये आहे.
दुसरीकडे तीन लोकांसह प्रवास करण्यासाठी प्रति व्यक्ती 27,950 रुपये मोजावे लागतील. अधिक तपशीलांसाठी तुम्ही IRCTC टुरिझमच्या https://www.irctctourism.com/pacakage_description?packageCode=SHA10 या अधिकृत वेबसाइटला भेट देऊ शकता.