Samsung Galaxy Watch
Samsung Galaxy Watch : बाजारात वेगवेगळ्या कंपन्या आपली स्मार्टवॉच लाँच करू लागली आहेत. तुम्ही तुमच्या आवडीनुसार कोणतंही खरेदी करू शकता. परंतु काहींच्या किमती मागणीमुळे जास्त असतात. परंतु आता काळजी करू नका.
तुम्ही काही दिवसांपूर्वी लाँच झालेले Samsung Galaxy Watch 4 20 हजारांच्या शानदार सवलतीत खरेदी करू शकता. यावर उपलब्ध असणाऱ्या शानदार सवलतींमुळे तुम्हाला त्याची किंमत कमी करता येईल. जाणून घ्या संपूर्ण ऑफर आणि फीचर्स.
सध्या सॅमसंग गॅलेक्सी वॉच 4 ची ब्लूटूथ आवृत्ती अवघ्या 10,999 रुपयांना प्लॅटफॉर्म फ्लिपकार्टवर सूचीबद्ध केले आहे. हे वॉच WearOS वर आधारित असल्याने, वापरकर्त्यांना त्यांच्या आवडीचे अनेक अॅप्स या स्मार्टवॉचवर डाउनलोड करता येईल.
इतकेच नाही तर यात ब्लूटूथ कॉलिंग फीचर उपलब्ध करून देण्यात आले आहे, ज्यामुळे फोनला स्पर्श न करता तुम्हाला कॉल करता येईल. समजा तुम्ही हे वॉच खरेदी करताना बँकेच्या ऑफरचा फायदा घेत असल्यास त्याची किंमत आणखी कमी होते.
स्वस्तात येईल खरेदी करता
किमतीचा विचार केला तर भारतीय बाजारात लॉन्च होताना सॅमसंग गॅलेक्सी वॉच 4 च्या ब्लूटूथ मॉडेलची किंमत 29,999 रुपये ठेवली होती परंतु आता 63% डिस्काउंटनंतर ते 10,999 रुपयांना लिस्ट करण्यात आले आहे. समजा ग्राहकांनी HDFC बँक कार्ड किंवा फ्लिपकार्ट अॅक्सिस बँक कार्डद्वारे पैसे भरले तर त्यांना 5% पर्यंत कॅशबॅकचा लाभ मिळेल. या ऑफरनंतर, या स्मार्ट वॉचची किंमत एकूण 10,000 रुपये किंवा त्यापेक्षा खूप कमी असेल.परंतु हे लक्षात ठेवा, ही सवलत केवळ वॉचच्या काळ्या रंगाच्या प्रकारावर उपलब्ध आहे.
Galaxy Watch 4 ची खासियत
सॅमसंगचे हे प्रीमियम स्मार्टवॉच एक गोल डायलसह येत असून त्यात अॅल्युमिनियम फ्रेम उपलब्ध करून दिली आहे. या स्मार्टवॉचमध्ये 1.4-इंचाचा सुपर AMOLED डिस्प्ले देण्यात आला आहे, जो 450×450 पिक्सेल रिझोल्यूशनसह येईल.
तर Galaxy Watch 4 मध्ये, दोन फिजिकल बटणांशिवाय, यामध्ये सिलिकॉनचा पट्टा मिळेल. सुलभ नेव्हिगेशनसाठी, या स्मार्टवॉचमध्ये व्हॉइस कंट्रोल किंवा जेश्चर कंट्रोल सारखे पर्याय देण्यात आली आहेत. Exynos W920 प्रोसेसरसह, यात 16GB स्टोरेज आणि सॅमसंग समर्थित WearOS असणार आहे.
आरोग्य आणि फिटनेस फीचर्सबद्दल बोलयचे झाले तर Galaxy Watch 4 मध्ये शरीर रचना विश्लेषणासाठी बायोइलेक्ट्रिकल प्रतिबाधा विश्लेषण सेन्सर मिळेल. महिलांच्या आरोग्य निरीक्षणासाठी प्रगत झोपेचे विश्लेषण यांसारख्या फीचर्स समावेश केला आहे.
कंपनीच्या या स्मार्टवॉचमध्ये तुम्हाला 90 पेक्षा जास्त वर्कआउट मोड पाहायला मिळती. ती थेट वायरलेस बडशी कनेक्ट केले जातील. 50 मीटर खोलीपर्यंत पाणी प्रतिरोधक, स्मार्टवॉच 108 मिनिटांत पूर्णपणे चार्ज होईल आणि तुम्हाला 40 तासांपर्यंत बॅटरी लाइफ मिळेल.