अहमदनगर Live24 टीम, 18 मार्च 2021:- संगमनेर तालुक्याच्या पठारभागातील वरुडी पठार येथील एका वृद्धास शेतीच्या बांधावरुन गुप्तीने मारहाण करण्याचा प्रयत्न केल्याची घटना नुकतीच घडली आहे.
या घटनेत भाऊसाहेब यशवंत फटांगरे हे जखमी झाले आहे. त्यांच्या फिर्यादीवरून तिघांविरुद्ध घारगाव पोलिसांत गुन्हा दाखल करण्यात आला आहे.
याबाबत अधिक माहिती अशी कि, वरुडी पठार येथील देवराम खंडू फटांगरे, सुनीता देवराम फटांगरे व शंकर देवराम फटांगरे हे सामाईक बांधाजवळ पत्र्याचे शेड टाकण्याचे काम करीत असताना भाऊसाहेब फटांगरे हे तिघांना म्हणाले की,
तुम्ही बांधाजवळ शेड टाकू नका. याच राग येवून तिघांनी फटांगरे यांना शिवीगाळ व दमदाटी करत लाथाबुक्क्यांनी मारहाण केली.
तसेच यातील देवराम फटांगरे याने गुप्तीने भाऊसाहेब फटांगरे यांना मारहाण करण्याचा प्रयत्न केला. या प्रकरणी भाऊसाहेब फटांगरे यांनी दिलेल्या फिर्यादीवरुन घारगाव पोलिसांनी वरील तिघांविरुद्ध गुन्हा दाखल केला आहे.
दरम्यान या प्रकरणाचा अधिक तपास पोलीस निरीक्षक सुनील पाटील यांच्या मार्गदर्शनाखाली पोलीस हेडकॉन्स्टेबल आदिनाथ गांधले हे करत आहे.