Facebook : वापरकर्त्यांना धक्का! प्रोफाइलवरून हटवली जाणार तुमची माहिती, डिलीट करण्याअगोदर करा डाउनलोड
Facebook : फेसबुक हे लोकप्रिय सोशल माडियांपैकी एक आहे. आपल्या वापरकर्त्यांसाठी फेसबुक सतत नवनवीन फीचर्स आणत असते. फेसबुक केवळ माहिती आणि मनोरंजनाचे माध्यम राहिले नसून आता ते पैसे कमावण्याचे साधन बनले आहे.
परंतु, फेसबुकने आपल्या वापरकर्त्यांना मोठा धक्का दिला आहे. कारण आता प्रोफाइलवरून तुमची माहिती हटवली जाणार आहे. त्यामुळे ती डिलीट करण्याअगोदर डाउनलोड करा.
अनेक फेसबुक वापरकर्त्यांना त्यांच्या प्रोफाईलवरील अधिसूचनेद्वारे सूचित करण्यात आले आहे की त्यांची काही प्रोफाइल माहिती काढून टाकली जात आहे. या स्क्रीनशॉटमध्ये असे लिहिले आहे की, ‘1 डिसेंबर 2022 पासून, पत्ता, राजकीय विचार आणि धार्मिक दृष्टिकोन यासारखी माहिती तुमच्या संपर्कातून आणि प्रोफाइलवर शेअर केलेली मूलभूत माहिती काढून टाकली जाईल.’
बाकी प्रोफाइलमध्ये कोणताही बदल होणार नाही
प्रोफाईलवर दिसणारी उर्वरित माहिती, जसे की सध्याचे शहर, मूळ गाव आणि पूर्वीची शहरे, पूर्वीप्रमाणेच दिसत राहतील आणि उर्वरित संपर्क आणि मूलभूत माहिती बदलली जाणार नाही, असे अधिसूचनेत सांगण्यात आले आहे.
फेसबुक वापरकर्त्यांना ‘इंटरेस्टेड इन’ पर्यायासह त्यांची लैंगिक पसंती व्यक्त करण्याचा पर्याय देत असे आणि ते त्यांचे धार्मिक किंवा राजकीय विचारही प्रोफाइलवर शेअर करू शकत होते.
आपके @facebook प्रोफाइल से ये जानकारी हटाई जा रही है। नया बदलाव 1 दिसंबर, 2022 से लागू होगा और उससे पहले यूजर्स अपना डाटा डाउनलोड कर सकते हैं। pic.twitter.com/svpWE26D7f
— Pranesh Tiwari (@SPDPranesh10) November 18, 2022
वापरकर्ते त्यांचा डेटा डाउनलोड करू शकतात
फेसबुकने ही माहिती काढून टाकण्यापूर्वी वापरकर्त्यांना त्यांच्या फेसबुक डेटाची कॉपी डाउनलोड करण्याचा पर्याय दिला जात आहे. सेटिंग्ज आणि प्रायव्हसीमध्ये जाऊन हे करता येते.
‘तुमची फेसबुक माहिती’ विभागात ‘प्रोफाइल माहिती डाउनलोड करा’ आणि ‘पहा’ वर टॅप करून हे केले जाऊ शकते. हे करत असताना तुम्हाला तुमचा पासवर्ड टाकावा लागेल.
फेसबुक असा बदल का करत आहे?
मेटा प्रवक्ते एमिल वाझक्वेझ म्हणाले, “फेसबुकचा नेव्हिगेशन आणि वापर सुलभ करण्याच्या आमच्या प्रयत्नांचा एक भाग म्हणून, आम्ही काही प्रोफाईल फील्ड काढून टाकत आहोत.
ज्या वापरकर्त्यांनी ही फील्ड भरली आहेत त्यांना सूचना पाठवून त्यांच्या काढून टाकल्याबद्दल माहिती दिली जात आहे.” हे स्पष्ट आहे की कंपनी प्लॅटफॉर्म वापरण्यास सुलभ बनविण्यासाठी तसेच वापरकर्त्यांना चांगली गोपनीयता देण्यावर काम करत आहे.
