अहमदनगर Live24 टीम, 20 मार्च 2021:- जिल्ह्यात महिला अत्याचाराच्या घटनांमध्ये वाढ होत असल्याची आकडेवारी सध्या दिसून येत आहे.
एका महिलेवर सावत्र दिरांनी दमदाटी करून शिवीगाळ करत अत्याचार करण्याचा प्रयत्न केल्याची घटना कोपरगाव तालुक्यात घडली आहे. याप्रकरणी शिर्डी पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी कि, महिला घराशेजारील आपल्या शेतात पाणी भरीत असताना दोन सावत्र दिरांनी पाणी देण्याच्या कारणावरून वाद घालून भावाजायीस शिवीगाळ व दमदाटी करत अत्याचार करण्याचा प्रयत्न केला. तसेच जीवे मारण्याची धमकी दिली.
याप्रकरणी महिलेने फिर्याद दिली असून फिर्यादीवरून दोन्ही सावत्र दिराविरुद्ध शिर्डी पोलीस ठाण्यात गुन्हा दाखल करण्यात आला आहे. या घटनेचा अधिक तपास शिर्डी पोलीस ठाण्याचे सहायक पोलीस निरीक्षक दीपक गंधाले हे करीत आहे.