file photo
अहमदनगर Live24 टीम, 20 एप्रिल 2021 :-कोरोना रुग्णांसाठी हॉस्पिटलमध्ये आयसीयू आणि ऑक्सिजन सोडा, पण सामान्य बेडदेखील उपलब्ध नाहीत.
पॉझिटिव्ह पत्नीला तिचा नवरा पुण्यातील सर्व रुग्णालयांत दाखल करण्यासाठी चकरा मारत राहिला. पण बेड पूर्ण भरल्यामुळे कोणीही तिला अॅडमिट केले नाही. अखेर निराश पतीने पत्नीला घरी आणले.
महिलेला ऑक्सिजन न मिळाल्यामुळे त्रासही होत होता. अखेर दुसऱ्या दिवशी तिने पंख्याला गळफास लावून घेत आयुष्य संपवले. ही मन हेलावणारी घटना पुणे शहरातील वारजे भागातील आहे. जिथे 41 वर्षीय महिलेला श्वास घेण्यास त्रास होत होता.
१२ एप्रिल रोजी संध्याकाळी तिच्या नवऱ्याने तिची कोरोना तपासणी केली. तेव्हा तिचा अहवाल सकारात्मक झाला. यानंतर तिचा असहाय पती पत्नीच्या उपचारासाठी एका हॉस्पिटलमधून दुसरऱ्या हॉस्पिटलमध्ये जात राहिला.
पण प्रत्येक ठिकाणाहून बेड रिकामे नाही म्हणून परत आला. पुणे शहरातील सर्व शासकीय आणि खासगी रुग्णालयांना भेट दिल्यानंतर अखेर निराश पतीने आपल्या पत्नीला घरी आणले.
पती आपल्या नशिबावर दुःखी होता की, पत्नीला रुग्णालयात प्रवेशही मिळवून देऊ शकला नाही. महिलेला ऑक्सिजन न मिळाल्यामुळे त्रासही होत होता. अखेर दुसऱ्या दिवशी तिने पंख्याला गळफास लावून घेत आयुष्य संपवले.