Business Idea : आजकाल अनेकजण स्वतःचे व्यवसाय सुरु करत आहेत. काही व्यवसाय हे कमी पैशात सुरु करता येतात तर काही व्यवसाय सुरु करण्यासाठी मोठ्या भांडवलाची गरज असते.
यापैकीच एक व्यवसाय म्हणजे सोया पनीर व्यवसाय होय. हा व्यवसाय सुरु करणे जरी खर्चिक असले तरी बाजारात या व्यवसायाला खूप मागणी आहे. कारण तुम्ही या व्यवसायातून महिन्यातला लाखो रुपये कमवू शकाल.
इतका खर्च येईल
जर तुम्हाला सोया पनीर व्यवसाय सुरू करायचा असेल तर त्यासाठी 3 ते 4 लाख रुपये लागतील. सुरुवातीला गुंतवणुकीत बॉयलर, जार, सेपरेटर, स्मॉल फ्रीझर आणि सोयाबीन इत्यादी वस्तू लागतील. त्याचबरोबर तुम्हाला काही तज्ञांची गरज पडेल.
प्रचंड मागणी
मार्केटमध्ये सोया दूध आणि सोया पनीरला प्रचंड मागणी आहे. सोयाबीनपासून सोया दूध आणि पनीर तयार करतात. सोया दुधाची पौष्टिकता आणि चव ही गाई किंवा म्हशीच्या दुधासारखी नसते. परंतु, हे दूध आरोग्यासाठी फायदेशीर असते. विशेषतः रुग्णांसाठी हे दूध फायदेशीर असल्याचे सांगितले जाते. सोयाबीन चीजला टोफू असेही म्हणतात.
असे बनवा सोया पनीर
सोया पनीर बनवण्याची पद्धत खूप सोपी आहे. प्रथम सोयाबीन ग्राउंड तयार केले जाते त्यानंतर ते 1:7 च्या प्रमाणात पाण्यात उकळतात. बॉयलर आणि ग्राइंडरमध्ये 1 तास प्रक्रिया पूर्ण केल्यानंतर तुम्हाला त्यातून 4-5 लिटर दूध मिळते. प्रक्रिया पूर्ण केल्यानंतर दुध सेपरेटरमध्ये टाकले जाते. तेथे हे दूध दह्यासारखे होते.
त्यातून शिल्लक असलेले पाणी काढले जाते. ही प्रक्रिया सुमारे 1 तास चालते. त्यानंतर तुम्हाला 2.5 ते 3 किलो टोफू (सोया पनीर) मिळते. जर तुम्ही दिवसाला 30-35 किलो टोफू बनवले तर तुम्हाला दरमहा 1 लाख रुपये कमावता येतील