Electricty Power : आजकाल व्हॉट्सॲपवर एक मेसेज धुमाकूळ घालत आहे. त्यामध्ये वीजबिल न भरल्याने तुमच्या घरातील लाईट कापली जाणार असल्याचा दावा करण्यात आला आहे. त्यामुळे आज खरच वीज कनेक्शन कापले जाणार का? चला तर जाणून घेऊया…
उर्जा मंत्रालयाच्या पत्रावर लिहिलेला संदेश सोशल मीडियावर व्हायरल होत आहे. व्हायरल झालेल्या मेसेजमध्ये वीज बिल तात्काळ अपडेट करा, असे सांगण्यात आले आहे. यामध्ये बिल अपडेट न केल्यास रात्री नऊ वाजता वीज खंडित करण्यात येईल, असे सांगण्यात आले आहे.
फसवणुकीची अनेक प्रकरणे समोर आली
तसेच तुमच्या घराची वीज खंडित होऊ नये म्हणून तुम्ही आमच्या विद्युत कार्यालय देवेश जोशी यांच्याशी संपर्क साधावा, असे लिहिले आहे. बिल अपडेट करण्यासाठी तुम्ही खाली दिलेल्या नंबरवर संपर्क करू शकता, असेही त्यात लिहिले आहे.
यापूर्वी अशी अनेक प्रकरणे समोर आली होती ज्यात ठगांनी मजकूर संदेशाद्वारे सांगितले की ‘तुमचे शेवटचे वीज बिल’ अपडेट न केल्यामुळे रात्री 9 वाजता तुमची लाईट खंडित केली जाईल.
पीआयबी फॅक्ट चेकद्वारे वास्तव जाणून घ्या
काही लोकांनी मेसेज किंवा सोशल मीडिया पोस्टमध्ये नमूद केलेल्या नंबरवर कॉल केल्यावर त्यांच्या खात्यातून लाखो रुपये कापले गेले. व्हायरल होत असलेल्या मेसेजची वास्तविकता पीआयबीच्या तथ्य तपासणीद्वारे तपासण्यात आली.
पीआयबी फॅक्ट चेकमध्ये असे आढळून आले की असे कोणतेही पत्र किंवा संदेश उर्जा मंत्रालयाने जारी केलेले नाही. सायबर ठग लोकांना बळी बनवण्यासाठी असे मेसेज फिरवत आहेत. अशा परिस्थितीत, आपण पूर्णपणे सावध असणे आवश्यक आहे.
दिशाभूल करणारे संदेश फॉरवर्ड करू नका
केंद्र सरकारचे अधिकृत तथ्य तपासक ‘पीआयबी फॅक्ट चेक’ ने लोकांना असे दिशाभूल करणारे संदेश फॉरवर्ड करण्यापासून चेतावणी दिली आहे.
पीआयबी फॅक्ट चेकने जारी केलेल्या ट्विटमध्ये हा दावा खोटा असल्याचे सांगण्यात आले. कृपया असे दिशाभूल करणारे मेसेज फॉरवर्ड करू नका, हे ट्विट पीआयबीने २८ डिसेंबरला केले आहे. तपासात हा मेसेज पूर्णपणे खोटा असल्याचे आढळून आले आहे.