file photo
अहमदनगर Live24 टीम, 23 फेब्रुवारी 2021:-भारतातील अहमदाबादमध्ये नव्याने बांधण्यात आलेल्या सरदार पटेल स्टेडियम हे आता जगातील सर्वात मोठे क्रिकेट स्टेडियम झाले आहे.
या स्टेडियममध्ये 1 लाख 10 हजार इतके प्रेक्षक बसू शकणार आहे. दरम्यान या स्टेडियमचे उद्घाटन भारताचे महामहिम राष्ट्रपती रामनाथ कोविंद यांच्या हस्ते होणार आहे.
इंग्लंडचा संघ सध्या भारत दौऱ्यावर आहे. या दौऱ्यातील सध्या भारत-इंग्लंड संघात कसोटी मालिका सुरु आहे.
दरम्यान, या स्टेडियममध्ये भारत आणि इंग्लंड यांच्यातील तिसरा कसोटी सामना 24 फेब्रुवारीपासून खेळला जाणार आहे.
या सामन्याला सुरूवात होण्याआधी देशाचे राष्ट्रपती रामनाथ कोविंद यांच्या हस्ते या स्टेडियमचे उद्घाटन होणार आहे.
देशाचे गृहमंत्री अमित शाह देखील या उद्घाटन सोहळ्याला उपस्थित राहणार आहेत. मोटेरा स्टेडियमची प्रेक्षक क्षमता 1 लाख 10 हजार इतकी आहे.
स्टेडियममध्ये तब्बल 76 वातानुकूलीन कॉरपोरेट बॉक्स तयार करण्यात आले आहेत. मोटेरा स्टेडियम 63 एकरात उभारण्यात आला आहे.स्टेडियममध्ये 11 खेळपट्ट्या आहेत.
स्टेडियममधील खेळपट्ट्या लाल आणि काळ्या मातीने तयार करण्यात आल्या आहेत. खेळाडूंसाठी खास वेगळे ड्रेसिंग रुम तयार करण्यात आले आहे.
याला जोडूनच जिम देखील आहे.मोटेरा स्टेडियममध्ये चार ड्रेसिंग रुम आहेत. इनडोर आणि आऊटडोर सरावाची सुविधा या स्टेडियममध्ये आहे.