TVS NTORQ 125 Race Edition: TVS ने ‘ही’ दमदार स्कूटर नवीन रंगात केली लाँच; जाणून घ्या किंमत आणि फीचर्स

TVS NTORQ 125 Race Edition:  देशातील आघाडीची दुचाकी आणि तीनचाकी वाहन उत्पादक TVS मोटर कंपनी (TVS Motor Company) ने सोमवारी TVS NTORQ 125 Race Edition लाँच करण्याची घोषणा एका नवीन मरीन ब्लू रंगाच्या पर्यायात केली आहे.

सध्याच्या रेस एडिशन रेड कलरच्या बरोबरीने रोमांचक नवीन शेड विकली जाईल. नवीन TVS Ntorq 125 रेस एडिशन स्कूटरमध्ये रेस-प्रेरित ग्राफिक्ससह मरीन ब्लू कलर फ्लैगसह बरेच नावीन्य आणते. ब्लॅक, मेटॅलिक ब्लॅक आणि मेटॅलिक ब्लू या थ्री टोन कॉम्बिनेशन राइडरमुळे राइडरला रस्त्यावर पूर्णपणे वेगळं वाटतं.

किंमत किती आहे

मरीन ब्लू कलरमधील नवीन TVS NTORQ 125 रेस एडिशनची दिल्लीमध्ये एक्स-शोरूम किंमत 87,011 रुपये आहे. TVS मोटर कंपनीने नवीन रंगीत TVS Ntorq 125 Race Edition साठी संपूर्ण भारतातील अधिकृत डीलरशिपवर बुकिंग उघडले आहे.

इंजिन आणि वेग

TVS NTORQ 125 Race Edition मध्ये 124.8 cc, सिंगल-सिलेंडर, 4-स्ट्रोक, 3-व्हॉल्व्ह, एअर-कूल्ड SOHC, फ्युएल इंजेक्टेड इंजिन आहे.

हे इंजिन 7,000 rpm वर 6.9 kW/9.38 PS ची पॉवर आणि 5,500 rpm वर 10.5 Nm चा पीक टॉर्क जनरेट करते. कंपनीचा दावा आहे की रेस एडिशनला ताशी 95 किमीचा टॉप स्पीड मिळतो आणि ही स्कूटर फक्त 9 सेकंदात 0 ते 60 किमी प्रतितास वेग पकडू शकते.

लुक आणि डिझाइन

स्टील्थ एयरक्राफ्टच्या डिझाईनपासून प्रेरित होऊन, TVS Ntorq 125 Race Edition ला सिग्नेचर LED टेल आणि हेडलॅम्प्स मिळतात ज्यामुळे ते शार्प आणि आक्रमक दिसते.

स्कूटरला एक अनोखे ‘रेस एडिशन’ चिन्ह मिळाले आहे जे TVS रेसिंग बाइकचा वारसा आणखी वाढवते. स्पोर्टी स्टब मफलर, टेक्सचर्ड फ्लोअरबोर्ड आणि डायमंड कट अलॉय व्हील्स स्कूटरच्या शैलीत भर घालतात.

फीचर्स

TVS NTORQ 125 Race Edition TVS SmartXonnectTM सह येते. याद्वारे, रायडर्स त्यांच्या स्मार्टफोनला स्कूटरशी कनेक्ट करू शकतात, ज्यामुळे अनेक स्मार्ट कनेक्टेड फीचर्स सक्रिय होतात.

60 पेक्षा जास्त फीचर्सनी युक्त असलेल्या संपूर्ण डिजिटल इन्स्ट्रुमेंट क्लस्टरद्वारे हे ऍक्सेस केले जाऊ शकते. याशिवाय या स्कूटरमध्ये पास बाय स्विच, ड्युअल साइड स्टिअरिंग लॉक, पार्किंग ब्रेक आणि इंजिन किल स्विच यांसारखी महत्त्वाची फीचर्स उपलब्ध आहेत.

तसेच, TVS NTORQ 125 Race Edition ला बाह्य इंधन भरणे, USB चार्जर, मोठे 20-लिटर अंडरसीट स्टोरेज आणि TVS पेटंट केलेले EZ सेंटर स्टँड मिळते.