Vivo foldable smartphone : विवो लवकरच लॉन्च करणार ‘हा’ फोल्डेबल स्मार्टफोन, जाणून घ्या ‘या’ स्मार्टफोनची खासियत

Vivo foldable smartphone : विवो कंपनीने Vivo X Fold आणि Vivo X Fold + लाँच केल्यानंतर, आता कंपनी नवीन फोल्डेबल फोन लॉन्च करण्याची योजना आखत आहे.

या स्मार्टफोनचे नाव Vivo X Flip आहे. प्रसिद्ध टिपस्टर डिजिटलचॅटस्टेशनकडून मिळालेल्या माहितीनुसार हा फोन Qualcomm Snapdragon 8+ Gen1 सह येऊ शकतो.

ब्रेकिंग बातम्या मोफत वाचण्यासाठी इथे क्लिक करा

सध्या, डिझाइनबद्दल काहीही सांगितले गेले नाही, परंतु, असा अंदाज लावला जात आहे की फोनची रचना Samsung Galaxy Z Flip लाइनअप सारखी असू शकते. म्हणजेच या हँडसेटमध्ये क्लॅमशेल असू शकते.

सध्या, Vivo X Flip चे फक्त moniker आणि chipset तपशील समोर आले आहेत. पण, लवकरच या फोनबद्दल अधिक माहिती समोर येऊ शकते. हे शक्य आहे की Vivo X Flip प्रथम चीनमध्ये लॉन्च केले जावे.

Vivo X Fold+ चे स्पेसिफिकेशन

या स्मार्टफोनमध्ये 6.53-इंच बाह्य डिस्प्ले आणि 120Hz रिफ्रेश रेटसह 8-इंच फोल्डेबल अल्ट्रा-थिन ग्लास LTPO डिस्प्ले आहे. Vivo X Fold+ या वर्षी सप्टेंबरमध्ये Qualcomm Snapdragon 8+ Gen 1 प्रोसेसरसह लॉन्च करण्यात आला होता. या प्रोसेसरसोबत 12GB रॅम आणि 512GB स्टोरेज देण्यात आले आहे.

फोटोग्राफीसाठी, यात 50MP प्राथमिक कॅमेरा, 48MP अल्ट्रा-वाइड अँगल कॅमेरा, 12MP टेलिफोटो कॅमेरा आणि 8MP पेरिस्कोप कॅमेरा आहे. सेल्फीसाठी या फोनमध्ये 16MP कॅमेरा उपलब्ध आहे.

या फोनची बॅटरी 4,730mAh आहे आणि येथे 80W फास्ट चार्जिंग सपोर्ट देण्यात आला आहे. कनेक्टिव्हिटीसाठी यात 5G, 4G LTE, Wi-Fi, Bluetooth, GPS आणि USB Type-C चार्जिंग सपोर्ट आहे.