Chanakya Niti : आचार्य चाणक्य यांनी चाणक्य नीति या ग्रंथामध्ये जीवनाशी निगडित काही गोष्टी सांगितल्या आहेत. आचार्य चाणक्य यांनी मानवी जीवनाशी संबंधित सांगितलेल्या गोष्टी आजही उपयुक्त ठरतात. लग्न झाल्यानंतर थोड्याच दिवसांत पुरुष दुसरी स्त्री का शोधू लागतो? त्याबद्दल जाणून घेऊया…
आचार्य चाणक्यांनी नीतिशास्त्रात धर्म, अर्थ, काम, मोक्ष, कुटुंब, समाज तसेच अनेक विषयांवर नियम दिले आहेत. हे सर्व नियम सध्याच्या काळात कठोर तसेच संबंधित आहेत. ज्यामध्ये पुरुषाचा आपल्या पत्नीचा भ्रमनिरास का होतो आणि तो दुसऱ्या स्त्रीकडे का संमोहित होतो हे देखील स्पष्ट करण्यात आले आहे.
लग्नानंतर स्त्री-पुरुषाला इतर कोणाबद्दल आकर्षण असणं हे सामान्य आहे. हे चुकीचे नाही, पण हे आकर्षण कौतुकाच्या पलीकडे गेले की, एक नवीन नाते तयार होते, जे आपल्या समाजात मान्य नाही. अशा नवीन नात्यात जुने प्रेमसंबंध आणि लग्न मोडण्याची क्षमता असते.
बोलताना गोड न बोलणे
काळाच्या ओघात वैवाहिक नात्यात कटुता येण्याचे कारण म्हणजे बोलण्यातला गोडवा कमी होणे. अशा परिस्थितीत घरातील स्त्री असो वा पुरुष, तो घराबाहेर गोडवा शोधू लागतो, इथूनच त्रास सुरू होतो. वैवाहिक नात्यातील इतर सुखांसोबत मानसिक आनंदालाही महत्त्व असते, ज्याच्या अभावामुळे नाते तुटते.
आकर्षणाचा अभाव
जेव्हा पती-पत्नी एकमेकांकडे लक्ष देत नाहीत किंवा एकमेकांना पूर्ण वेळ देत नाहीत किंवा फक्त एकमेकांच्या उणीवा मोजत राहतात, अशा स्थितीत नात्यात दुरावा येऊ लागतो. अशा स्थितीत पत्नीऐवजी पती दुसऱ्या स्त्रीकडे आकर्षित होतो.
विश्वास नसणे
वैवाहिक जीवनातील सर्वात मोठी ताकद म्हणजे विश्वास. जर स्त्रीने हा विश्वास तोडला तर पुरुष आणि जर पुरुषाने हा विश्वास तोडला तर स्त्री घराबाहेर नाते शोधू लागते. त्यांच्या गरजांसाठी असे स्त्री-पुरुष विवाहबाह्य संबंधांमध्ये खूप पुढे जातात.
मुलांची जबाबदारी
वैवाहिक जीवनात, पती-पत्नीमध्ये अपत्य जन्माला आल्यानंतर काही वेळा नात्यात बदल होतो. स्त्री-पुरुष एकमेकांसोबत वेळ घालवू शकत नाहीत. अशा स्थितीत चंचल स्वभावाचे पुरुष घराबाहेर इतरांकडे आकर्षित होतात आणि इथूनच एक्स्ट्रा मॅरिटल अफेअर सुरू होते.