Xiaomi 13 Series : आजकाल मार्केटमध्ये अनेक स्मार्टफोन लॉन्च झाले आहेत. तसेच ग्राहकांसाठी आजही अनेक कंपन्या स्मार्टफोन लॉन्च करत आहेत. आता आणखी एक स्मार्टफोन लवकरच बाजारात लॉन्च होणार आहे. Xiaomi कंपनी नवीन स्मार्टफोन लॉन्च करणार आहे.
दिग्गज स्मार्टफोन कंपनी Xiaomi आपल्या प्लॅटफॉर्मवर एकापेक्षा जास्त फोन ऑफर करत आहे. लवकरच कंपनी आपला नवीन स्मार्टफोन बाजारात आणणार आहे. Xiaomi 13 सीरीज आणि MIUI 14 ची प्रतीक्षा काही दिवसात संपणार आहे, ज्याची लॉन्च तारीख कंपनीने जाहीर केली आहे.
कधी होणार लॉन्च?
कंपनीने 1 डिसेंबर 2022 रोजी Xiaomi 13 मालिका आणि MIUI 14 लाँच करण्याची घोषणा केली आहे. फोनबद्दल बोलत असताना, Xiaomi चे CEO Lei Jun यांनी माहिती शेअर केली की मोबाईल हातात पकडायला खूप आरामदायक आणि खूप पातळ असेल. Xiaomi 13 सिरीजबद्दल जाणून घेऊया.
स्मार्टफोन डिझाइन
Xiaomi CEO सांगतात की Xiaomi 13 मध्ये तिन्ही बाजूंना 1.6mm बेझल्स असतील, हनुवटीच्या बाजूला 1.8mm बेझल आणि 71.5mm रुंदी असेल. या फोनचे बेझल खूप पातळ असतील आणि यात पंच होल कॅमेरा मिळेल.
वैशिष्ट्ये
Xiaomi 13 च्या खास वैशिष्ट्याबद्दल बोलायचे तर, यात 6.28-इंचाचा डिस्प्ले मिळण्याची शक्यता आहे. फोनची बॅटरी 4,500mAh असेल जी 67W फास्ट चार्जिंग सपोर्टसह असू शकते. हे 8GB पर्यंत रॅम आणि 128GB अंतर्गत स्टोरेज मिळवू शकते.
कॅमेर्‍याबद्दल बोलायचे झाले तर फोनच्या मागील बाजूस ट्रिपल कॅमेरा सेटअप असू शकतो, ज्यामध्ये प्राइमरी कॅमेरा 50 मेगापिक्सल, सेकंडरी कॅमेरा 13 मेगापिक्सल आणि तिसरा कॅमेरा 5 मेगापिक्सलचा असेल.
पाण्यात पडला तरीही बंद पडणार नाही
Xiaomi 13 अनेक वैशिष्ट्यांसह येऊ शकतो. हा फोन पाण्यात पडला तरी खराब होणार नाही. वॉटर रेझिस्टंटसह येणार्‍या या मालिकेतील सर्व मॉडेल्स IP68 सर्टिफिकेशनसह असतील. फोन अर्धा तास 1 मीटर पाण्याखाली ठेवला तरी तो खराब होणार नाही असा दावा कंपनीने केला आहे.