Artificial Sweetener : गोड पदार्थ सर्वांनाच खायला आवडतो. पण बऱ्याच वेळा लोकं साखरेचे सेवन आजारपणामुळे कमी करतात. तर काही जण डाएटिंगमुळे साखरेचे प्रमाण कमी करतात. अशास्थितीत लोक साखरेऐवजी कृत्रिम साखरेचा वापर करतात. पण कृत्रिमरित्या तयार केलेली ही साखर तुमच्या आरोग्यासाठी हानिकारक ठरू शकते. त्याच्या वापराने अनेक प्रकारच्या आजाराचा धोका वाढतो. आज आपण त्याबद्दलच जाणून घेणार आहोत. कृत्रिम साखरेचा वापर केल्याने तुम्हाला कोणत्या समस्यांना तोंड द्यावे लागते पाहूया…
वजन वाढण्याची समस्या
वजन नियंत्रित ठेवण्यासाठी लोक कृत्रिम साखरेचा वापर करतात. परंतु तुम्हाला माहित आहे का की तुमच्या आहारात कृत्रिम साखर वापरल्याने तुमचे वजन वाढू शकते. याच्या वापरामुळे कॅलरीजचे प्रमाण देखील वाढते आणि त्यामुळे भूक नियंत्रित करण्याची नैसर्गिक क्षमता देखील नष्ट होते, ज्यामुळे वजन वाढू वाढते.
मधुमेहाचा धोका
मधुमेही लोक साखरेऐवजी कृत्रिम साखर वापरतात. एका संशोधनात असे आढळून आले आहे की कृत्रिम गोड पदार्थ इंसुलिन संवेदनशीलता आणि ग्लुकोज चयापचय मध्ये व्यत्यय आणू शकतात, ज्यामुळे इन्सुलिन प्रतिरोधकता आणि कालांतराने टाइप 2 मधुमेहाचा धोका वाढू शकतो.
गोड पदार्थ खाण्याची लालसा वाढते
जर तुम्ही दररोज कृत्रिम साखर वापरत असाल तर ते चव रिसेप्टर्सना संवेदनाक्षम करू शकते, ज्यामुळे गोड खाण्याची लालसा वाढू लागते. जास्त खाण्यासोबतच हे तुमचे वजन वाढण्यासही कारणीभूत ठरू शकते. त्याचा दैनंदिन वापर देखील मेटाबॉलिक सिंड्रोमचा धोका वाढवू शकतो.
दातांसाठी हानिकारक
एका संशोधनात असे दिसून आले आहे की कृत्रिम गोडवा वापरल्याने दातांनाही हानी पोहोचते. यामुळे हिरड्यांचे आजार होण्याचा धोका वाढू शकतो.
