Healthy Drinks : भारतातील बहुतेक घरांमध्ये सकाळची सुरुवात एक कप चहाने होते. जर तुम्हाला रोज सकाळी दुधाचा चहा पिण्याची सवयी असेल तर आज आम्ही तुमच्यासाठी एक आरोग्यदायी चहाचा पर्याय घेऊन आलो आहोत, दुधाच्या चहा ऐवजी तुम्ही तुमच्या आहारात याचा समावेश केल्यास तुम्हाला अनेक आरोग्यदायी फायदे जाणवतील.
निरोगी आरोग्यासाठी तुम्ही तुमच्या आहारात बार्ली चहाचा समावेश करू शकता. बार्ली चहा आरोग्यदायी तसेच चवदार आहे. याला कोरियन बार्ली टी किंवा रोस्टेड टी असेही म्हणतात. हा चहा सुगंधी असण्यासोबतच पचनसंस्थाही निरोगी ठेवतो. बार्ली टी प्यायल्याने वजन कमी होण्यास मदत होते आणि पोटाची चरबीही कमी होते.
बार्ली चहायामध्ये सोडियम, पोटॅशियम, फायबर, प्रथिने, लोह आणि व्हिटॅमिन सी यांसारखे अनेक प्रकारचे पोषक घटक आढळतात. या चहामध्ये अनेक प्रकारचे अँटीऑक्सिडंट्स देखील आढळतात, ज्यामुळे आपण अनेक आजारांपासून दूर राहतो. या चहामुळे तणावही दूर होतो. चला याच्या इतर फायद्यांबद्दलही जाणून घेऊया…
-बार्ली टी प्यायल्याने पचनक्रिया मजबूत होते. करा या चहामध्ये भरपूर प्रमाणात फायबर आढळते, जे पोटातील गॅस, पॉट फुगणे, अपचन आणि बद्धकोष्ठतेची समस्या दूर करते. या चहामुळे मळमळण्याच्या समस्येपासूनही आराम मिळतो. हा चहा प्यायल्याने पोट साफ होण्यासही मदत होते.
-बार्ली टी प्यायल्याने वजन कमी होण्यास मदत होते. या चहामध्ये कॅलरीजचे प्रमाण खूपच कमी असते. त्यामुळे वजन कमी होण्यास मदत होते. हा चहा प्यायल्याने पोट बराच काळ भरलेले राहते. यामुळे जास्त वेळ भूक लागत नाही, जे वजन कमी करण्यासही उपयुक्त मानले जाते.
-बार्ली चहा प्यायल्याने रोगप्रतिकारक शक्ती मजबूत होते. या चहामध्ये व्हिटॅमिन सी मुबलक प्रमाणात आढळते, ज्यामुळे शरीराची प्रतिकारशक्ती वाढते आणि विषाणूजन्य आजारांचा धोकाही कमी होतो. या चहामध्ये सेलेनियम आणि व्हिटॅमिन ए आढळते, जे शरीरातील घाण सहज काढून टाकते आणि शरीर निरोगी ठेवते.
-बार्ली चहा चवदार तसेच सुगंधी आहे. हा चहा सर्दी, फ्लू आणि नासिकाशोथ यांसारख्या ऍलर्जीची लक्षणे देखील कमी करतो. या चहाचे सेवन केल्याने डोकेदुखीच्या समस्येपासूनही आराम मिळतो. या चहामुळे पावसाळ्यात होणाऱ्या समस्याही दूर होतात.
-मधुमेही रुग्णही बार्ली टी सहज पिऊ शकतात. या चहामध्ये कॅलरीजचे प्रमाण खूपच कमी असते, जे मधुमेहासाठी उपयुक्त आहे. त्याच वेळी, बार्ली टीमध्ये अँटीडायबेटिक गुणधर्म आणि फायबर असते, जे रक्तातील साखरेची पातळी नियंत्रित करते आणि शरीर निरोगी ठेवते.
बार्ली चहा बनवण्याची पद्धती :-
साहित्य :- 1 कप – पाणी, 2 ते 3 चमचे – भाजलेले बार्ली, 1 टीस्पून – मध.
कृती :- बार्ली टी बनवण्यासाठी पाणी हलके गरम करा. आता त्यात बार्ली टाका आणि साधारण 2 ते 3 मिनिटे उकळू द्या. आता चहा गाळून घ्या आणि कोमट झाल्यावर प्या. चवीसाठी त्यात तुम्ही मधही घालू शकता.
