Changing Lips Color : लहानपणी प्रत्येकाचे ओठ गुलाबी असतात. पण जसजसा वेळ जातो तसतसे ओठांच्या रंगातही बदल दिसून येतो. हा बदल सामान्य असू शकतो पण काहीवेळेला हे काही आजाराचे लक्षण देखील असू शकते. होय, ओठांचा रंग बदलणे हे धोक्याचे कारण असून शकते. त्यामुळे तुमच्याही ओठांचा रंग बदलत असेल तर त्याकडे अजिबात दुर्लक्ष करू नका. ओठांचा अचानक रंग बदलणे हे यकृत रोग किंवा अशक्तपणाचे लक्षण असू शकते. आजच्या या लेखात आपण ओठांचा कोणता रंग कोणत्या आजाराचे लक्षण आहे हे जाणून घेणार आहोत.
ओठांचा रंग बदलणे असू शकते या आजारांचे लक्षण
1. यकृत संबंधित आजार
जर तुमच्या ओठांचा रंग लाल झाला असेल तर तुम्हाला खूप सावध राहण्याची गरज आहे. लाल ओठ हे यकृताशी संबंधित आजारांचे लक्षण असू शकतात. खरं तर, जेव्हा यकृताच्या समस्या उद्भवू लागतात तेव्हा ओठांचा सामान्य रंग लाल होतो. त्यामुळे जर तुम्हाला तुमच्या ओठांच्या रंगात अचानक बदल दिसला तर नक्कीच डॉक्टरांचा सल्ला घ्या. याशिवाय ओठांचा लाल रंगही अ‍ॅलर्जीचंही लक्षण असू शकते. अशा स्थितीत तुम्ही डॉक्टरांचा सल्ला घेणे महत्वाचे आहे.
2. अशक्तपणा
जर तुमच्या ओठांचा रंग पिवळा किंवा पांढरा होऊ लागला तर नक्कीच डॉक्टरांचा सल्ला घ्या. हे शरीरातील रक्त कमी होणे किंवा अशक्तपणाचे लक्षण असू शकते. जे लोक अशक्तपणाने ग्रस्त असतात त्यांचे ओठ पिवळे असतात. शरीरातील रक्ताच्या कमतरतेमुळे, ओठांचा रंग पिवळा किंवा पांढरा होऊ लागतो, जे Anemiaचे लक्षण आहे. याशिवाय जेव्हा बिलीरुबिनची पातळी वाढते तेव्हा ओठांचा रंग पिवळा दिसू लागतो. अशावेळी जरूर डॉक्टरांचा सल्ला घ्या.
3. फुफ्फुसा संबंधित रोग
अनेकांच्या ओठांचा रंग जांभळा दिसू लागतो. ओठांचा जांभळा रंग फुफ्फुसाच्या आजाराशी संबंधित असू शकतो. त्यामुळे जर तुमच्या ओठांचा रंग काळा दिसत असेल तर या चिन्हाकडे अजिबात दुर्लक्ष करू नका. याबद्दल अधिक माहिती घ्या जेवणेंकरून तुम्हाला भविष्यात आरोग्याशी संबंधित समस्यांना तोंड द्यावे लागणार नाही.
4. पचनाशी संबंधित आजार
पचनाशी संबंधित आजारांमुळे ओठांचा रंगही पिवळा दिसू शकतो. जेव्हा पोट किंवा पचनाशी संबंधित रोग होऊ लागतात तेव्हा ओठांच्या रंगात वेगवेगळे बदल दिसू शकतात. अशा परिस्थितीत डॉक्टरांचा सल्ला घेणे महत्वाचे ठरेल.