Healthy Eating : तुम्हालाही रोज बटाटा चिप्स खाण्याची सवयी आहे का?; जाणून घ्या पॅकबंद चिप्स खाण्याचे तोटे !

Side Effects Of Having Packaged Potato Chips Everyday : बऱ्याच जणांना रोज बटाटे चिप्स खाण्याची सवयी असते. बटाटे चिप्स खाणे कॉमन गोष्ट आहे. प्रत्येकाला टाईमपास करण्यासाठी पॅकेज केलेले बटाटा चिप्स खायला खूप आवडतात. तसेच काहींना जेवणासोबत चिप्स खाण्याची सवयी असते.

बरेच लोक याचे नियमित सेवन करतात. पण तुम्हाला माहिती आहे का कोणत्याही प्रकारचे जंक फूड किंवा पॅकबंद अन्न नियमितपणे खाणे आरोग्यासाठी चांगले नसते, याच्या नियमित सेवनामुळे आरोग्याला अनेक प्रकारची हानी होऊ शकते. आज आपण याच्याबद्दल सविस्तर जाणून घेणार आहोत.

-बहुतेक पॅकेज केलेल्या चिप्समध्ये भरपूर कॅलरी असतात. त्यामध्ये जीवनसत्त्वे, खनिजे आणि फायबरसारखे कोणतेही आवश्यक पोषक घटक नसतात. अशा परिस्थितीत, जर एखाद्या व्यक्तीने दररोज बटाट्याचे चिप्स खाल्ले तर त्याच्या शरीरातील कॅलरीज वाढू शकतात. कॅलरीज बर्न न केल्यास लठ्ठपणा येऊ शकतो.

-चिप्समध्ये भरपूर मीठ असते. जर एखाद्या व्यक्तीला आधीच बीपी असेल तर त्याचे सेवन घातक ठरू शकते. जर एखाद्या व्यक्तीने जास्त प्रमाणात सोडियमचे सेवन केले तर त्याला बीपीची समस्या देखील होऊ शकते. उच्च रक्तदाबामुळे हृदयविकाराचा धोका वाढू शकतो.

-बटाटा चिप्समध्ये भरपूर अस्वास्थ्यकरित ट्रान्स फॅट, सॅच्युरेटेड फॅट असते. या दोन्ही प्रकारच्या फॅट्समुळे शरीरातील खराब कोलेस्ट्रॉल वाढते. कोलेस्टेरॉल एक प्रकारची चरबी आहे, जी यकृताद्वारे तयार केली जाते. जर शरीरात खराब कोलेस्टेरॉलची पातळी वाढली तर ते रक्तवाहिन्यांमध्ये जमा होऊ लागते, ज्यामुळे हृदयविकाराचा झटका आणि रक्ताची गुठळी होण्यासारख्या अनेक समस्या उद्भवू शकतात.

-बाजारात उपलब्ध असलेल्या बहुतांश चिप्स नैसर्गिकरित्या बनवल्या जात नाहीत. चव वाढवण्यासाठी किंवा दीर्घकाळ टिकवण्यासाठी अनेक पदार्थांचा वापर केला जातो. त्यात कृत्रिम चव, संरक्षक आणि इतर गोष्टी असतात. या सर्व गोष्टी आरोग्याच्या दृष्टिकोनातून चांगल्या मानल्या जात नाहीत.

-बाजारात मिळणारे चिप्स आरोग्यासाठी चांगले नाहीत. याव्यतिरिक्त, त्यात असे घटक आहेत जे ते व्यसनाधीन बनवतात. सहसा एखादी व्यक्ती इच्छा नसतानाही चिप्स जास्त खातो. चिप्स जास्त खाल्ल्याने रक्तातील साखरेवर वाईट परिणाम होतो. चिप्सच्या उच्च ग्लायसेमिक इंडेक्समुळे रक्तातील साखरेची पातळी वेगाने वाढू शकते किंवा कमी होऊ शकते. या स्थितीमुळे मधुमेहाचा धोका वाढू शकतो.

-पॅकेज केलेल्या बटाटा चिप्समध्ये कोणत्याही प्रकारचे पोषक तत्व नसतात. त्यात फायबरचीही कमतरता असते. त्यामुळे जाणूनबुजून किंवा अजाणतेपणी याचे जास्त प्रमाणात सेवन केल्यास पोटाचा त्रास होऊ शकतो. विशेषत: त्याचा पचनसंस्थेवर वाईट परिणाम होऊ शकतो.