Healthy Diet : भारतातील प्रत्येक घरांमध्ये दही वापरली जाते, हे सर्वोत्कृष्ट दुग्धजन्य पदार्थ आहे, जे सर्व वयोगटातील लोक कोणत्याही संकोच न करता सेवन करू शकतात. बरेच लोक मांसाहाराबरोबरही दही वापरतात, जसे की चिकन मॅरीनेट करण्यासाठी, तसेच मासे बनवण्यासाठी देखील दहीचा वापर केला जातो.
त्याचबरोबर काही लोक बटाट्याच्या करीमध्येही दही वापरतात. तसेच रायता किंवा कोशिंबीरमध्ये देखील दहीचा वापर केला जातो. पण, दही खाणे तुमच्या आरोग्यासाठी कितीफायदेशीर आहे हे तुम्हाला माहीत आहे का? नसेल तर आजच्या या लेखात आम्ही दही खाण्याचे चमत्कारिक फायदे सांगणार आहोत, चला तर मग…
दही खाण्याचे फायदे :-
-दहीमुळे तुमची प्रतिकारशक्ती वाढते. दह्यामध्ये अनेक प्रकारचे चांगले आणि सक्रिय बॅक्टेरिया असतात, जे तुम्हाला विविध प्रकारच्या आजारांशी लढण्यात मदत करतात. याव्यतिरिक्त, दही जीवनसत्त्वे, प्रथिने आणि लैक्टोबॅसिलसचा एक चांगला स्रोत आहे, जे रोग प्रतिकारशक्ती वाढवण्यास मदत करते. इतकेच नाही तर दही प्रोबायोटिक देखील आहे, जे तुमचे आतडे निरोगी ठेवण्यास मदत करते.
-तसेच दहीच्या सेवनामुळे पचनशक्ती सुधारण्यासही मदत होते. ज्या लोकांना दुग्धजन्य पदार्थांची ऍलर्जी आहे, विशेषत: ज्यांना लैक्टोज असहिष्णु आहे, तेही दही खाऊ शकतात आणि त्याचे फायदे घेऊ शकतात. दह्यामध्ये असलेल्या गुणधर्मांमुळे पचनशक्ती सुधारते आणि पोटाशी संबंधित समस्या सुधारण्यास मदत करते. दह्याच्या प्रभाव थंड असल्याने तुमचे पोटही शांत राहते.
-तसेच तुमच्या त्वचेसाठी देखील दही खूप फायदेशीर आहे. दह्यापासून बनवलेले फेस पॅक वर्षानुवर्षे चमकदार आणि नितळ त्वचेसाठी वापरले जात आहेत. दह्यामध्ये लॅक्टिक अ‍ॅसिड असते, जे त्वचेवर एक्सफोलिएटर म्हणून काम करते. या प्रक्रियेच्या मदतीने, मृत त्वचेच्या पेशी काढून टाकल्या जातात. याशिवाय दही हे नैसर्गिक मॉइश्चरायझर आहे. त्वचेच्या फायद्यासाठी, फक्त दही लावणे पुरेसे नाही तर ते नियमितपणे सेवन केले पाहिजे. यामुळे त्वचेची चमकही वाढते आणि केसांवरही त्याचा सकारात्मक परिणाम होतो.
– जर तुम्ही नियमितपणे दही खात असाल तर ते तुमची कोलेस्ट्रॉल पातळी कमी करते, उच्च रक्तदाब कमी करते आणि उच्च रक्तदाबाचा धोकाही कमी करते. अशा प्रकारे दही खाल्ल्यास हृदयाला संरक्षण मिळते आणि हृदयाशी संबंधित समस्यांचा धोकाही कमी होतो.
-सध्या अनेक लोक लठ्ठपणा आणि जास्त वजनाचे बळी ठरत आहेत. वजन कमी करण्यासाठी लोक सतत व्यायाम करतात. पण, तरीही अपेक्षित परिणाम मिळत नाही. दुसरीकडे, जर तुम्ही तुमच्या आहारात दह्याचा समावेश केला तर वजन नियंत्रणात राहण्यास मदत होईल. खरं तर, दह्याचे सेवन केल्याने कॉर्टिसॉलचे उत्पादन कमी होते आणि कॅल्शियम भरपूर असल्याने वजन कमी होण्यास मदत होते.