Name Astrology
Name Astrology : ज्योतिषशास्त्रानुसार व्यक्तीचे नाव त्याच्या जीवनात खूप महत्त्वाची भूमिका निभावतात. नावाचा आपल्या आयुष्यावर खूप प्रभाव असतो. माणसाचे नाव हीच त्याची ओळख असते. व्यक्तीच्या नावाच्या पहिल्या अक्षरावरून आपल्याला त्या व्यक्तीचा स्वभाव, वागणे, व्यक्तिमत्व आणि भविष्याबाबत अनेक गोष्टी कळू शकतात. ज्या लोकांकडे आपली कुंडली नसते, त्यांना त्यांच्या नावाच्या आधारे आयुष्याशी संबंधित सर्व गोष्टी कळू शकतात.
आज आम्ही तुम्हाला M अक्षराने नाव सुरु होणाऱ्या लोकांबद्दल सांगणार आहोत. हे लोक त्यांच्या नावानुसार बिनधास्तपणे पैसे खर्च करतात. या लोकांचं आयुष्य ऐशोआरामात जातं. हे लोक स्वभावाने रागीट असतात. पण अनेक वेळा ते कोणाच्यातरी आज्ञेत राहून स्वतःवर नियंत्रण ठेवतात. चला तर मग या व्यक्तींबद्दल आणखी माहिती जाणून घेऊया.
-या नावाची लोकं अत्यंत चालक, प्रामाणिक आणि बुद्धिमान असतात. हे लोक आपले काम प्रामाणिकपणे करतात आणि इतरांकडूनही अशीच अपेक्षा करतात. या लोकांना खूप लवकर राग येतो. या लोकांचे व्यक्तिमत्व आकर्षक असते. ते लवकरच इतरांना स्वतःकडे आकर्षित करतात.
-हे लोक त्यांच्या आयुष्यात खूप केंद्रित मानले जातात. या लोकांना आपले जीवन व्यावहारिक पद्धतीने जगणे आवडते. हे लोक प्रचंड भावनिक देखील असतात. हे लोक ज्या क्षेत्रात पाऊल ठेवतात तिथे यश मिळवतात. मात्र, त्यांना येथे पोहचण्यासाठी खूप खडतर प्रवास करावा लागतो.
-ही लोकं मनापेक्षा डोक्याने जास्त विचार करतात. ही लोकं नेहमी काळजीत बुडालेली असतात, या लोकांनी राजकारणात काम केले तर त्यांना चांगले नाव मिळण्याची देखील शक्यता आहे. हे लोक कोणतेही कठीण काम करण्यास घाबरत नाहीत.
-यांना इतरांसमोर मोकळे व्हायला थोडा वेळ लागतो. जर त्यांना एखादा व्यक्ती आवडत असेल तर त्याला त्याचे प्रेम व्यक्त करण्यासाठीही थोडा वेळ लागतो, ज्यामुळे त्याला नंतर पश्चात्ताप करावा लागतो. जर ते कोणाच्या प्रेमात पडले तर ते नाते शेवटच्या श्वासापर्यंत टिकवण्याचा प्रयत्न करतात. त्यांना जे आवडते त्यावर ते मुक्तपणे पैसे खर्च करतात.