Parama Ekadashi 2023
Parama Ekadashi 2023 : हिंदू धर्मात सर्व एकादशी तिथींना विशेष महत्त्व आहे. या दिवशी भगवान विष्णूची पूजा केली जाते. अधिक मास दर ३ वर्षांनी येते. यावर्षी 18 जुलै ते 16 ऑगस्टपर्यंत अधिक मास आहे. या काळात केलेली उपासना, तपस्या आणि यज्ञ केल्याने 2 पट फळ मिळते. अधिक मासतील एकादशी तिथीला परमा एकादशी असे म्हणतात. यावेळी 12 ऑगस्ट रोजी परमा एकादशीचे व्रत केले जाणार आहे.
परमा एकादशीला अत्यंत दुर्मिळ योगायोग घडतो. 12 ऑगस्ट, शनिवारी एकादशी, अधिक मास आणि सावन मास एकत्र आहेत. त्यामुळे उपवासाचे महत्त्व अधिकच वाढत आहे. भगवान शंकराला सावन महिना अतिशय प्रिय आहे. तर एकादशीचे व्रत भगवान विष्णूला समर्पित आहे. 11 ऑगस्ट रोजी पहाटे 5:06 वाजता एकादशी तिथी सुरू होईल. 12 ऑगस्ट रोजी सकाळी 6:31 वाजता त्याची सांगता होईल. दरम्यान, या दिवशी काही उपाय केल्याने जीवनात येणाऱ्या आर्थिक समस्यांपासून सुटका मिळेल.
जाणून घ्या या दिवशी कोणते उपाय लाभकारक ठरतील :-
-या दिवशी परमा एकादशीची कथा वाचणे आणि श्रवण करणे अत्यंत शुभ मानले जाते. असे केल्याने दारिद्र्यातून मुक्ती मिळते आणि धन-समृद्धी वाढते, अशी श्रद्धा आहे. याशिवाय विष्णु सहस्त्रनाम, श्री सुत्तक आणि भगवद्गीतेचे पठण देखील शुभ मानले जाते. या दिवसात या गोष्टी केल्यास तुम्हाला नक्कीच चांगले फळ मिळेल.
-परमा एकादशीच्या दिवशी भगवान विष्णूसोबत देवी लक्ष्मीची देखील पूजा करा. भोगामध्ये खीर अर्पण करा. असे केल्याने पितृदोषापासून मुक्ती मिळते आणि आर्थिक समस्यांपासून मुक्ती मिळते. तसेच आर्थिक अडचणीतून सुटका होते.
-भगवान विष्णूची पूजा केल्यानंतर गरजू आणि ब्राह्मणांना भोजन द्या. अन्न, शिक्षण, जमीन किंवा गाय दान करणे शुभ मानले जाते. या दिवशी ब्रह्मचर्य पाळावे आणि घरी भात शिजवू नये.
-शनिवारी शनिदेवाची पूजा करा. “ओम शं शनैश्चराय नमः” चा उच्चार करताना शनिदेवाला मोहरीचे तेल अर्पण करावे. काळे तीळ अर्पण करा. आरती करून गरजूंना दान करा. तसेच छत्री दान करणे शुभ मानले जाते.
-या दिवशी हे उपाय केल्यास तुम्हाला चांगले फळ मिळेल, आणि तुमची आर्थिक स्थिती सुधारण्यास देखील मदत होईल.