Calcium Rich Foods : आपण सगळेच जाणतो दूध पिण्याचे खूप फायदे आहेत, म्हणूनच तज्ञ देखील हे पिण्याचा सल्ला देतात, दूध प्याल्याने हाडे मजबूत होतात आणि अनेक गंभीर आजारांपासूनही शरीराचे रक्षण होते. पण असे असूनही काही लोकांना दूध पिणे आवडत नाही, ज्यांना दूध पिणे आवडत नाही, त्यांच्यासाठी आम्ही असे पदार्थ घेऊन आलो आहोत, ज्याचा आहारात समावेश करून तुम्ही दुधाची कमी भरून काढू शकता.
आज आम्ही ज्या पदार्थांबद्दल सांगणार आहोत त्यामध्ये दुधाइतकेच कॅल्शियम असते आणि त्यांचे सेवन केल्याने शरीरातील दुधाची कमतरताही पूर्ण होऊ शकते. शरीरातील कमकुवतपणा दूर करण्यासोबतच या पदार्थांमुळे हाडेही मजबूत होतात. चला या पदार्थांबद्दल जाणून घेऊया-
पनीर
पनीरमध्ये भरपूर पोषक असतात. पनीरमध्ये सोडियम, कॅल्शियम, प्रोटीन, झिंक आणि व्हिटॅमिन ए आढळतात. याच्या सेवनाने हाडे मजबूत होण्यासोबतच रक्तदाबही नियंत्रणात राहतो. 100 ग्रॅम पनीरमध्ये 42 टक्के कॅल्शियम असते. जर तुम्हाला दूध आवडत नसेल, तर तुम्ही पनीरचा आहारात समावेश करू शकता.
बदाम
बदाम आपल्या शरीरासाठी खूप फायदेशीर मानले जाते. त्यात सोडियम, पोटॅशियम, कॅल्शियम, फायबर आणि व्हिटॅमिन सी यांसारखे अनेक प्रकारचे पोषक तत्व आढळतात. याच्या सेवनाने हाडांना बळ मिळते आणि रोगप्रतिकारशक्तीही मजबूत होते. तसेच स्मरणशक्ती वाढवण्यासाठी देखील मदत होते.
दही
दुधाऐवजी दह्याचाही आहारात समावेश केला जाऊ शकतो. दह्यामध्ये सोडियम, पोटॅशियम, कॅल्शियम, फायबर आणि लोह यांसारखे पोषक घटक आढळतात. याच्या सेवनाने पोटाशी संबंधित समस्या कमी होतात. दह्याचे सेवन केल्याने शरीरातील कमजोरी दूर होते आणि मधुमेहही नियंत्रणात राहतो.
सोयाबीन दुध
जर तुम्हाला नियमित दूध प्यायला आवडत नसेल तर तुम्ही तुमच्या आहारात सोया मिल्कचाही समावेश करू शकता. यामध्ये प्रथिने, फायबर आणि कॅल्शियम आढळतात. लैक्टोज असहिष्णुता असलेल्या लोकांसाठी सोया दूध हा एक चांगला पर्याय आहे. हे प्यायल्याने हिमोग्लोबिनची पातळीही वाढते.
हिरव्या पालेभाज्या
हिरव्या पालेभाज्या आपल्या शरीरासाठी खूप फायदेशीर असतात. त्यात सोडियम, प्रोटीन, पोटॅशियम, लोह, कॅल्शियम आणि व्हिटॅमिन सी असे अनेक प्रकारचे पोषक घटक आढळतात. याच्या सेवनाने रोगप्रतिकारशक्ती मजबूत होते आणि हाडांमधील वेदनाही दूर होतात. हिरव्या भाज्यांमध्ये पालक, रताळे, बीन्स, गाजर आणि भोपळा खाल्ला जाऊ शकतो.