Maharashtra Rain Alert : राज्यातील पाऊस (Rain) सध्या जरी उघडला असला तरी पुन्हा एकदा मुसळधार पासवाचा (Heavy Rain) इशारा अनेक जिल्ह्यांमध्ये देण्यात आला आहे. पावसाने उघडीप दिल्याने शेती कामांना (Farm work) वेग आला आहे. तसेच कृषी विभागाने शेतकऱ्यांना शेतकामे उरकून घेण्याचा सल्ला दिला आहे.

शनिवारीही महाराष्ट्रातील विविध जिल्ह्यांमध्ये पावसाची शक्यता आहे. हवामान केंद्र मुंबईने (Meteorological Center Mumbai) अकोला, अमरावती, चंद्रपूर, भंडारा, बुलढाणा, गडचिरोली, गोंदिया, नागपूर, वर्धा, वाशीम आणि यवतमाळमध्ये गडगडाट आणि विजांच्या कडकडाटासह पावसाची शक्यता लक्षात घेऊन यलो अलर्ट (Yellow Alert) जारी केला आहे. याशिवाय इतर ठिकाणी हलका पाऊस पडू शकतो.

या जिल्ह्यांव्यतिरिक्त सोलापूर, हिंगोली आणि नांदेडमध्येही रविवारी हवामान खात्याने पावसाचा यलो अलर्ट जारी केला आहे. हे लक्षात घेण्यासारखे आहे की महाराष्ट्रात सक्रिय मान्सूननंतर, अधूनमधून पाऊस सतत सुरू आहे.

पावसामुळे आतापर्यंत 125 हून अधिक लोकांचा मृत्यू झाला आहे. दुसरीकडे, महाराष्ट्रातील हवेचा दर्जा निर्देशांक बहुतांश शहरांमध्ये ‘चांगल्या ते मध्यम’ श्रेणीत नोंदवला जात आहे.

महाराष्ट्रातील प्रमुख जिल्ह्यांमध्ये शनिवारी हवामान कसे असेल ते जाणून घेऊया.

पुणे हवामान

पुण्यात कमाल तापमान 31 तर किमान तापमान 20 अंश सेल्सिअस राहण्याचा अंदाज आहे. ढगाळ वातावरण असेल आणि हलका पाऊस अपेक्षित आहे. हवेच्या गुणवत्तेचा निर्देशांक ‘समाधानकारक’ श्रेणीत 62 वर नोंदवला गेला.

नाशिक हवामान

नाशिकमध्ये कमाल तापमान 30 अंश सेल्सिअस आणि किमान तापमान 22 अंश सेल्सिअस राहण्याचा अंदाज आहे. ढगाळ वातावरण असेल आणि हलका पाऊस किंवा रिमझिम पाऊस पडू शकतो. हवेचा दर्जा निर्देशांक ‘समाधानकारक’ श्रेणीत 85 आहे.

मुंबई हवामान

शनिवारी मुंबईत कमाल तापमान 32 आणि किमान तापमान 26 अंश सेल्सिअस राहण्याचा अंदाज आहे. आकाश ढगाळ राहील आणि हलका पाऊस किंवा रिमझिम पाऊस पडण्याची शक्यता आहे. हवेचा दर्जा निर्देशांक ‘चांगल्या’ श्रेणीत 50 वर नोंदवला गेला आहे.

नागपूर हवामान

नागपुरात कमाल तापमान 33 अंश सेल्सिअस तर किमान तापमान 25 अंश सेल्सिअस राहण्याचा अंदाज आहे. ढगाळ वातावरण असेल आणि काही काळ पाऊस किंवा मेघगर्जनेसह पाऊस पडू शकतो. त्याच वेळी, हवा गुणवत्ता निर्देशांक 64 आहे, जो ‘समाधानकारक’ श्रेणीत येतो.