CNG-PNG Price : देशात महागाईने सर्वसामान्यांचे कंबरडे मोडले आह. अशा वेळी तुमच्यासाठी एक दिलासादायक बातमी समोर आली आहे. यातून तुमचे पैसे वाचणार आहेत.
कारण कंपन्यांकडून सीएनजी-पीएनजीच्या किमतीत कपात सुरू झाली आहे. अदानी टोटल गॅस लिमिटेड (ATGL) ने CNG-PNG च्या किमती कमी केल्या आहेत. ATGL ने CNG 8.13 प्रति किलो आणि PNG 5.06 प्रति scm ने कमी केले आहे.
8 एप्रिलच्या मध्यरात्री 12 पासून नवीन किमती लागू झाल्या आहेत. ATGL कडून हा निर्णय केंद्रीय मंत्रिमंडळाच्या घरगुती गॅस किंमतीचा नवीन फॉर्म्युला लागू झाला आहे.
10 टक्क्यांपर्यंत किंमत कमी करण्याचा दावा
किंमत निश्चित करण्याच्या नवीन फॉर्म्युल्यासह, सरकारचा दावा आहे की किंमत 10 टक्क्यांपर्यंत खाली येईल. ज्याचा थेट फायदा ग्राहकांना मिळणार आहे. ATGL सोबत, Gail India ची उपकंपनी असलेल्या महानगर गॅस लिमिटेड (MGL) ने त्यांच्या वितरण क्षेत्रात CNG आणि PNG च्या किमतीत कपात करण्याची घोषणा केली आहे. सीएनजीच्या दरात किलोमागे आठ रुपये आणि पीएनजीच्या दरात पाच रुपयांनी कपात करण्याची घोषणा केली आहे.
एमजीएलनेही दर कमी केले
नैसर्गिक वायूच्या किमतीची नवीन प्रणाली लक्षात घेऊन एमजीएलनेही हे पाऊल उचलले आहे. या घोषणेनंतर सरकारने सीएनजी आणि पाइप्ड स्वयंपाकाच्या गॅसच्या नवीन किमतीही जाहीर केल्या. एमजीएलने फेब्रुवारीमध्ये सीएनजीच्या किमतीत अडीच रुपयांनी कपात केली होती. असे असूनही, सीएनजीच्या किमती एप्रिल 2022 च्या तुलनेत सुमारे 80 टक्क्यांनी जास्त आहेत.
सीएनजी-पीएनजीची किंमत दर महिन्याला निश्चित केली जाईल
केंद्रीय मंत्री अनुराग ठाकूर म्हणाले होते की, देशांतर्गत गॅसची किंमत आता आंतरराष्ट्रीय हब गॅसऐवजी आयातित क्रूडशी जोडली गेली आहे. यानंतर, घरगुती गॅसची किंमत भारतीय क्रूड बास्केटच्या किंमतीच्या 10 टक्के असेल.
याशिवाय सीएनजी आणि पीएनजीची किंमत दर महिन्याला निश्चित केली जाईल. यापूर्वी त्यांची किंमत वर्षातून दोनदा निश्चित केली जात होती. एमजीएलने 8 फेब्रुवारी रोजी 12 वाजल्यापासून लागू केलेल्या निर्णयानंतर सीएनजी 79 रुपये प्रति किलो आणि पीएनजी 49 रुपये प्रति एससीएम दराने उपलब्ध होईल.