इतिहासात प्रथमच देशात पिकणार ‘हे’ पीक ; ‘ह्या’ ठिकाणी होणार शेती

अहमदनगर Live24 टीम,20 ऑक्टोबर 2020 :- देशात सर्वच स्वयंपाकघरामध्ये हिंग वापरली जाते. पोटदुखीच्या समस्येमध्ये हे औषध म्हणून देखील वापरले जाते. परंतु आपणास माहित आहे का की प्रत्येक घरात असणारे हिंग भारतात पिकत नाही ?.

आतापर्यंत भारतात वापरली जाणारी हिंग परदेशातून आयात केली जात होती, पण आता सर्व काही बदलणार आहे. आता देशात प्रथमच हिंग पीकवले जाणार आहे.

आत्तापर्यंत देशात हिंग का पिकवली गेली नाही? :- सीएसआयआर आणि इन्स्टिट्यूट ऑफ हिमालयन बायोरोसर्स टेक्नॉलॉजी (आयएचबीटी), पालमपूर यांनी प्रथमच देशात हिंगाची लागवड सुरू केली आहे.

सीएसआयआरचे महासंचालक (डीजी, सीएसआयआर) डॉ शेखर मंडे यांचे म्हणणे आहे की हिंग उगविण्यासाठी 2016 पासून संशोधन केले गेले आहे. लडाख आणि लाहौल स्पीती सारख्या थंड ठिकाणी हिंग वाढतात.

यासह इतर काही भौगोलिक परिस्थितीची काळजी घ्यावी लागेल. आतापर्यंत अफगाणिस्तान आणि इराणसारख्या देशांकडून हिंग आयात केली जात होती.

हिमालयन बायोरोसर्स टेक्नॉलॉजी संस्थेचे संचालक संजय कुमार यांनी हिमाचल प्रदेशातील थंड व कोरडे जिल्हा असलेल्या लाहौल आणि स्पीती मधील कावरिंग या गावात हिंग उगवण्यासाठी पुढाकार घेतला आहे.

भारतात हींग किती वापरली जाते ? :- भारत जगभरातील एकूण हिंगापैकी सुमारे 40% हिंगांचा वापर करतो. संजय कुमार म्हणतात की, हिंगाचा वापर भारतात जास्त होतो, पण तो भारतात उगवले जात नाही.

आत्तापर्यंत आपण परदेशामधील हिंगावर अवलंबून आहोत. सुमारे 1200 मेट्रिक टन हिंगची अफगाणिस्तान, इराण आणि उझबेकिस्तानमधून आयात करण्यात आली आहे. भारतात आता ते पिकविण्यासाठी सुमारे 5 हेक्टर जमिनीवर प्रयत्न सुरू आहेत.

अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved