Honda Activa Scooter : जर तुम्ही होंडा कंपनीचे चाहते असाल आणि नवीन Scooter खरेदी करण्याच्या विचारात असाल तर तुमच्यासाठी एक आनंदाची बातमी आहे. कारण होंडा ही कंपनी 23 जानेवारी रोजी नवीन Scooter लॉन्च करणार आहे.
कंपनीने या कार्यक्रमासंदर्भात अधिकृतपणे एक टीझर देखील जारी केला आहे. यामध्ये असा अंदाज आहे की कंपनी नवीन Activa ला अनावरण करू शकते. तसेच काही रिपोर्ट्समध्ये असेही सांगण्यात आले आहे की कंपनी Activa चे इलेक्ट्रिक व्हर्जन आणू शकते.
कंपनीने जारी केलेल्या टीझरमध्ये स्मार्ट हा शब्द वापरण्यात आला आहे. तसेच, ते एक मानव आणि रोबोटिक हात एकमेकांशी जोडलेले दाखवते. अ‍ॅक्टिव्हा ही देशातील सर्वाधिक विकली जाणारी स्कूटर आहे.
हायब्रिड इलेक्ट्रिक व्हेरिएंटच्या अफवा
काही रिपोर्ट्समध्ये असाही दावा करण्यात आला आहे की कंपनी Activa चे हायब्रीड इलेक्ट्रिक व्हेरियंट देखील सादर करू शकते. कंपनीने जारी केलेल्या टीझरमध्ये ‘एच-स्मार्ट’चा लोगो दिसत आहे.
जे सूचित करते की कंपनी बाजारात Activa Hybrid Electric लाँच करेल. कंपनीने आपल्या काही मॉडेल्समध्ये होंडा इको टेक्नॉलॉजी (एचईटी) देखील वापरली आहे. या स्कूटरमध्ये आर्टिफिशियल इंटेलिजन्स (AI) तंत्रज्ञानाचा वापरही पाहायला मिळतो.
इलेक्ट्रिक अ‍ॅक्टिव्हा व्हेरियंटची बातमी
Honda Activa च्या इलेक्ट्रिक व्हर्जनशी संबंधित रिपोर्ट्सवर विश्वास ठेवायचा झाल्यास त्यात स्वॅप करण्यायोग्य बॅटरी दिली जाऊ शकते. काही काळापूर्वी कंपनीने बंगळुरू मेट्रो रेल कॉर्पोरेशन लिमिटेड (BMRCL) सह भागीदारीत बॅटरी-स्वॅपिंग सेवा सुरू करण्याची घोषणा केली होती.
सुरुवातीला नवीन सेवेचा वापर इलेक्ट्रिक ऑटो रिक्षांसाठी करणे अपेक्षित होते. आता असा विश्वास आहे की होंडा आपली इलेक्ट्रिक स्कूटर स्वॅप करण्यायोग्य बॅटरीसह लॉन्च करू शकते. स्वॅप करण्यायोग्य बॅटरी असलेली ही पहिली इलेक्ट्रिक दुचाकी असू शकते.
इलेक्ट्रिक अ‍ॅक्टिव्हा व्हेरियंटची वैशिष्ट्ये
अ‍ॅक्टिव्हा इलेक्ट्रिक स्कूटरच्या वैशिष्ट्यांबद्दल सांगायचे तर, यात इंडिकेटर माउंटेड फ्रंट ऍप्रॉन, फ्लॅट सीट, सिल्व्हर कलर रेल, सीटखाली काढता येण्याजोग्या बॅटरी यांसारखी वैशिष्ट्ये मिळू शकतात.
दरम्यान, आंतरराष्ट्रीय बाजारात ही स्कूटर वेगवेगळ्या डिझाईन्स आणि किमतींसह ऑफर केली जाऊ शकते. हे TVS iQube इलेक्ट्रिक, Simple Energy One, Ather 450X आणि Bounce Infinity E1 शी स्पर्धा करू शकते. मात्र, ते इलेक्ट्रिक असेल की नाही, यावरून 23 जानेवारीलाच पडदा उठणार आहे.