PM Kisan : जर तुम्ही पीएम किसान योजनेचा लाभ घेत असाल तर तुमच्यासाठी एक आनंदाची बातमी आहे. कारण कर्नाटक सरकारने राज्यातील शेतकऱ्यांना खूशखबर दिली आहे. तसेच यापूर्वी पंजाब सरकारनेही शेतकऱ्यांना दिलासा दिला होता.
223 कोटी जारी केले
कर्नाटक सरकारने राज्यातील विविध भागात कीटकांच्या हल्ल्यामुळे ज्या शेतकऱ्यांच्या तूर (अरहर) पिकांचे नुकसान झाले त्यांना नुकसान भरपाई जाहीर केली आहे. यासाठी 223 कोटी रुपये कर्नाटक सरकारने जाहीर केले आहेत.
मुख्यमंत्री कार्यालयाने जारी केलेल्या निवेदनात म्हटले आहे की, ‘बिदर, कलबुर्गी आणि यादगिरी जिल्ह्यातील तूर पिकाचे नुकसान विशेष बाब म्हणून ग्राह्य धरण्यात आले आहे.
सरकारने 10,000 रुपये प्रति हेक्टर दराने नुकसान भरपाई जाहीर केली आहे, परंतु NDRF/SDRF च्या मार्गदर्शक तत्त्वांनुसार, शेतकर्‍याला जास्तीत जास्त दोन हेक्टर पिकासाठीच नुकसान भरपाई दिली जाईल.
कर्नाटकात 60 लाख शेतकऱ्यांनी नोंदणी केली आहे
पीएम किसान अंतर्गत राज्यात सुमारे 60 लाख शेतकरी नोंदणीकृत आहेत. पीएम किसान अंतर्गत लाभ मिळवणाऱ्या शेतकऱ्यांनाही सरकारकडून पीक नुकसान भरपाई दिली जाईल.
निवेदनानुसार तूर उत्पादक शेतकऱ्यांना 223 कोटी रुपयांची भरपाई दिली जाणार आहे. मुख्यमंत्री बसवराज बोम्मई यांच्या अध्यक्षतेखाली विविध विभागांच्या वरिष्ठ अधिकाऱ्यांसोबत झालेल्या बैठकीत हा निर्णय घेण्यात आला आहे.