अहमदनगर Live24 टीम,21 ऑक्टोबर 2020 :- पोलीस हुतात्मा दिनाच्या पार्श्वभूमीवर अहमदनगर येथील जिल्हा पोलीस मुख्यालयात शहीद झालेल्या पोलिसांना आदरांजली वाहण्यात आली.
शहीद पोलिसांच्या स्मृतींना उजाळा देत हुतात्मा स्तंभाला पुष्पचक्र वाहण्यात आले. पोलिस सेवेत कर्तव्य बजावत असताना देशातील विविध ठिकाणी वीरगती प्राप्त झालेल्या पोलिस अधिकारी आणि कर्मचाऱ्यांना मानवंदना देण्यात आली.
यावेळी या शहीदांना मानवंदना देत सलामी म्हणून बंदुकीतून हवेत फायर करण्यात आले. तसेच स्मृतीस्तंभाला पुष्पचक्र अर्पण करण्यात आले. अहमदनगर महापालिकेचे आयुक्त श्रीकांत मायकलवार प्रमुख पाहुणे म्हणून उपस्थित होते.
प्रभारी जिल्हा पोलीस प्रमुख दत्ताराम राठोड, शहर उपअधीक्षक विशाल ढुमे, ग्रामीण उपअधीक्षक अजित पाटील यांच्यासह वरिष्ठ पोलीस अधिकारी उपस्थित होते.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved