Tecno Smartphone : जर तुम्ही कमी किंमतीत iPhone सारखा फोन खरेदी करण्याच्या विचारात असाल तर तुमच्यासाठी एक आनंदाची बातमी आहे. कारण Tecno ने तुमच्यासाठी कमी किमतीत शक्तिशाली फीचर्स देणारा स्मार्टफोन आणला आहे.
Tecno ने Tecno Spark 10C लाँच केला आहे. या स्मार्टफोनचा मागचा लूक लेटेस्ट आयफोनसारखाच आहे. फोनमध्ये कंपनी 90Hz रिफ्रेश रेट डिस्प्ले आणि पॉवरफुल ऑक्टा-कोर प्रोसेसर देत आहे. फोनच्या मागील बाजूस ड्युअल रियर कॅमेरा सेटअप देखील देण्यात आला आहे. फोन मेटा ब्लॅक, मेटा ब्लू आणि मेटा ग्रीन या तीन रंगांच्या पर्यायांमध्ये येतो.
कंपनीने हा फोन नुकताच आफ्रिकेत लॉन्च केला आहे. त्याच्या 4 GB रॅम आणि 128 GB इंटरनल स्टोरेज वेरिएंटची किंमत $170 (सुमारे 14 हजार रुपये) आहे. टेक्नो लवकरच हा फोन भारतातही लॉन्च करणार आहे.
टेक्नो स्पार्क 10c वैशिष्ट्ये
या फोनमध्ये 1612×720 पिक्सेल रिझोल्यूशनसह 6.6-इंचाचा HD+ IPS डिस्प्ले आहे. हा डिस्प्ले 90Hz च्या रिफ्रेश रेटला सपोर्ट करतो. कंपनीने हा फोन 8 GB पर्यंत रॅम आणि 128 GB अंतर्गत स्टोरेज पर्यायामध्ये लॉन्च केला आहे. प्रोसेसर म्हणून कंपनी या फोनमध्ये 1.6GHz ऑक्टा-कोर Unisoc T606 चिपसेट देत आहे.
दरम्यान, टेक्नोच्या या नवीन हँडसेटच्या मागील बाजूस एलईडी फ्लॅशसह ड्युअल रियर कॅमेरा सेटअप देण्यात आला आहे. यात 16 मेगापिक्सेलचा प्राथमिक कॅमेरा आहे. त्याचबरोबर सेल्फीसाठी कंपनी या फोनमध्ये 8 मेगापिक्सलचा फ्रंट कॅमेरा देत आहे. हा फोन 5000mAh बॅटरीने सुसज्ज आहे, जो 18W फास्ट चार्जिंगला सपोर्ट करतो.
तसेच हा स्मार्टफोन साइड-माउंटेड फिंगरप्रिंट सेन्सरने सुसज्ज असून Android 12 OS वर आधारित HiOS 8.6 वर काम करतो. कनेक्टिव्हिटीचा विचार केला तर त्यात 4G VoLTE, Wi-Fi 802.11, Bluetooth 5.0, USB Type-C पोर्ट आणि 3.5mm हेडफोन जॅक सारखे पर्याय देण्यात आले आहेत.