Toyota SUV in India : देशातील आलिशान गाड्या निर्माण करणारी कंपनी Toyota ने गेल्या वर्षी भारतीय बाजारपेठेत अशी कार लॉन्च केली होती, जी केवळ शक्तिशाली इंजिनसह येत नाही, तर वैशिष्ट्यांच्या बाबतीत फॉर्च्युनरपेक्षा कमी नाही.
ही टोयोटा हिलक्स आहे, जी पिकअप ट्रकच्या श्रेणीत येते, परंतु ती कार म्हणून देखील वापरली जाऊ शकते. कंपनीने आता त्याची किंमत कमी करण्याचा निर्णय घेतला आहे.
यामध्ये 5 जण बसून प्रवास करू शकतात, तसेच त्याचा मागील भाग सामान ठेवण्यासाठी वापरता येतो. टोयोटाने हिलक्स पिकअपची किंमत 3.6 लाख रुपयांपर्यंत कमी केली आहे. आता त्याची किंमत 30.40 लाख रुपयांपासून सुरू होते, तर आधी त्याची सुरुवातीची किंमत 33.99 लाख रुपये होती.
मात्र, ही कपात फक्त बेस व्हेरियंटमध्येच करण्यात आली आहे. मात्र, त्याचे टॉप मॉडेल 1.35 लाख रुपयांनी महाग करण्यात आले आहे. आता Toyota Hilux High मॅन्युअलची किंमत 37.15 लाख रुपये आहे, तर Hilux High AT ची किंमत 1.10 लाख रुपयांनी वाढून 37.90 लाख रुपये झाली आहे.
टोयोटा हिलक्स हे जगभरातील सर्वात विश्वसनीय पिक-अप ट्रकपैकी एक आहे. हे 2.8-लिटर, चार-सिलेंडर डिझेल इंजिनद्वारे समर्थित आहे, जे 201 Bhp साठी ट्यून केलेले आहे. हे 6-स्पीड मॅन्युअलमध्ये 420 Nm पीक टॉर्क आणि 6-स्पीड ऑटोमॅटिक व्हर्जनवर 500 Nm पर्यंतचे टॉर्क देते. यात 4×4 चे फीचर देखील मिळते. यासह, 700 मिमी वॉटर वेडिंग क्षमता इलेक्ट्रॉनिक डिफरेंशियल लॉकसह उपलब्ध आहे, 29 डिग्रीचा ऍप्रोच अँगल आणि 26 डिग्रीचा डिपार्चर अँगल आहे.
वैशिष्ट्यांच्या बाबतीत, Toyota Hilux ला DRL सह एलईडी हेडलॅम्प, Apple CarPlay आणि Android Auto सह 8-इंच टचस्क्रीन इन्फोटेनमेंट सिस्टम, ड्युअल-झोन क्लायमेट कंट्रोल, लेदर अपहोल्स्ट्री सीट, मागील पार्किंग सेन्सर्स मिळेल. यामध्ये 7 एअरबॅग्ज उपलब्ध आहेत. कंपनी Hilux वर 3 वर्षे / 100,000 kms वॉरंटी देते.