PM Kisan : पंतप्रधान किसान सन्मान निधी योजनेचा १४ वा हप्ता २७ जुलै २०२३ रोजी शेतकऱ्यांच्या खात्यात जमा करण्यात आला. मात्र, काही शेतकऱ्यांच्या खात्यात हे पैसे अद्यापही जमा झाले नाहीत. याबाबत शेतकऱ्यांमध्ये नाराजी आहे.
नगर जिल्ह्यात ५ लाख ९० हजार शेतकरी पीएम किसान योजनेसाठी पात्र आहेत. त्यापैकी ४ लाख ८७ हजार ३३५ म्हणजे सुमारे ८३ टक्के लाभार्थीनी ई-केवायसीची नोंद एप्रिल २०२२ अखेर केलेली होती.
उर्वरित एक लाख ३ हजार म्हणजे जवळपास १७ टक्के पात्र शेतकऱ्यांनी केवायसी करून घेण्याचे आवाहन करण्यात आले होते. पात्र लाभार्थीच्या खात्यावर ‘डीबीटी मार्फत पैसे जमा झाले आहेत.
शेतकऱ्यांच्या खात्यात पैसे जमा न झाल्याबाबत राज्य सरकारने निवेदन जारी केले आहे. निवेदनात म्हटले आहे की, शेतकऱ्यांच्या खात्यात पैसे जमा करण्यात काही तांत्रिक अडचणी येत आहेत. या अडचणी दूर करण्यासाठी सरकार प्रयत्न करत आहे. येत्या काही दिवसांत सर्व शेतकऱ्यांच्या खात्यात पैसे जमा होतील.
शेतकऱ्यांना त्यांच्या खात्यात पैसे जमा झालेले नाहीत याची खात्री करण्यासाठी त्यांनी त्यांच्या बँकेशी संपर्क साधावा. तसेच, त्यांच्या खात्यात पैसे जमा झाले नाहीत याची तक्रार करण्यासाठी त्यांनी पीएम किसान योजनेच्या हेल्पलाइनवर संपर्क साधावा.
केवायसी नसलेले शेतकरी
नगर :५ हजार ६२४ नेवासा : ८ हजार ४४० श्रीगोंदा :८ हजार ९९५ पारनेर : ८ हजार २२९ पाथर्डी : ७ हजार ९६१ शेवगाव : ८ हजार ७६६ संगमनेर : ८ हजार ५९० अकोले : १० हजार २४५ श्रीरामपूर : २ हजार ५२६ राहुरी: ७ हजार ५०१ कर्जत : ८ हजार ४०६ जामखेड :६ हजार ९९९ राहाता :५ हजार ८१३ कोपरगाव :३ हजार ९८३