7th Pay Commission : जर तुम्ही केंद्रीय कर्मचारी असाल तर तुमच्यासाठी एक आनंदाची बातमी आहे. कारण सातव्या वेतन आयोगाअंतर्गत केंद्रीय कर्मचाऱ्यांच्या पगारात पुन्हा वाढ होण्याची शक्यता आहे.
31 मे 2023 हा केंद्रीय कर्मचाऱ्यांसाठी खास दिवस आहे. या दिवशी कर्मचाऱ्यांचा महागाई भत्ता आणि पेन्शनधारकांना मिळणारा महागाई दिलासा किती वाढणार, हे स्पष्ट होऊ शकेल. मात्र कर्मचाऱ्यांच्या महागाई भत्त्यात 4 टक्क्यांपर्यंत वाढ अपेक्षित आहे.
वास्तविक, DA स्कोअर 31 मे 2023 रोजी जारी केले जातील म्हणजेच AICPI निर्देशांकाचे आकडे येतील. अशा स्थितीत जुलै महिन्यात महागाई भत्ता किती वाढणार हे कळेल. सध्या महागाई भत्ता 42 टक्के आहे, जो जानेवारी 2023 पासून लागू आहे. जर डीए 4 टक्क्यांनी वाढला तर महागाई भत्ता 46 टक्के होईल.
DA किती वाढू शकतो?
सध्या डीए स्कोअर 44.46 टक्के आहे आणि एप्रिल ते जूनपर्यंतचा स्कोअर अजून यायचा आहे. त्याचवेळी, गेल्या तीन वेळा केंद्र सरकार कर्मचाऱ्यांच्या महागाई भत्त्यात 4 टक्क्यांनी वाढ करत आहे. अशा परिस्थितीत यावेळीही कर्मचाऱ्यांच्या भत्त्यात 4 टक्के वाढ होण्याची शक्यता आहे.
मीडिया रिपोर्ट्सनुसार, जर आपण AICPI निर्देशांकाच्या आकडेवारीवर नजर टाकली तर डिसेंबरमध्ये निर्देशांक 132.3 अंकांवर होता आणि महागाई भत्ता स्कोअर 42.37 टक्के होता. मार्च 2023 मध्ये, AICPI निर्देशांक 133.3 वर होता, ज्यामुळे महागाई भत्ता स्कोअर 44.46 टक्क्यांवर गेला आहे. अशा स्थितीत एकूण 4 टक्के वाढ होण्याची शक्यता आहे.
महागाई भत्ता कधी आणि किती वाढला?
सातव्या वेतन आयोगाअंतर्गत कर्मचाऱ्यांच्या महागाई भत्त्यात वर्षातून दोनदा वाढ करण्यात आली आहे. जानेवारी 2023 साठी, महागाई भत्त्यात 4 टक्के आणि त्यापूर्वी दोनदा 4-4 टक्क्यांनी वाढ करण्यात आली होती.
राज्यांनीही महागाई भत्ता वाढवला
केंद्र सरकारने महागाई भत्त्यात वाढ केल्यानंतर राजस्थान, आसाम, हिमाचल प्रदेश, उत्तर प्रदेश, बिहारसह अनेक राज्यांनी महागाई भत्त्यात वाढ केली आहे.