Fixed Deposits : आजच्या काळात, एफडी हा गुंतवणुकीसाठी सर्वोत्तम पर्याय मानला जातो. तुम्हीही मुदत ठेव करण्याचा विचार करत असाल, तर आता तुम्ही डिजिटल FD करून जास्त व्याजाचा लाभ घेऊ शकता. देशातील NBFC कंपनी बजाज फायनान्स आता तुमच्यासाठी ही संधी घेऊन आली आहे. बजाज फायनान्सने म्हटले आहे की, ‘डिजिटल माध्यमातून एफडी करणाऱ्या ग्राहकाला जास्त व्याजाचा लाभ मिळेल.’
बजाज फायनान्सने डिजिटल माध्यमातून मुदत ठेव (FD) ची प्रणाली सुरू केली आहे. याअंतर्गत तुम्ही कंपनीच्या अ‍ॅप किंवा वेबसाइटद्वारे एफडी करू शकता. कंपनीने म्हटले आहे की, ग्राहकांना 42 महिन्यांसाठी एफडी घेण्याची सुविधा मिळत आहे. ही योजना 2 जानेवारी 2024 पासून सुरू करण्यात आली आहे.
‘या’ FD अंतर्गत किती व्याज मिळेल?
बजाज फायनान्सच्या या एफडीमध्ये ज्येष्ठ नागरिकांना जास्त व्याजाचा लाभ मिळेल. तुम्ही ही एफडी फिनसर्व्ह अ‍ॅप आणि वेबवर बुक केल्यास तुम्हाला ४२ महिन्यांच्या एफडीवर ८.८५ टक्के व्याजदराचा लाभ मिळेल.
याशिवाय 60 वर्षांपेक्षा कमी वयाच्या लोकांना या FD वर 8.60 टक्के व्याजदर मिळेल. 42 महिन्यांच्या कालावधीसाठी 5 कोटी रुपयांपर्यंतच्या नवीन ठेवी आणि पूर्ण झालेल्या ठेवींचे नूतनीकरण यावर सुधारित दर लागू होतील.
30 सप्टेंबर 2023 पर्यंत, बजाज फायनान्सचे अ‍ॅप प्लॅटफॉर्मवर सुमारे 44.68 दशलक्ष निव्वळ वापरकर्ते असलेले 76.56 दशलक्ष ग्राहक आहेत. data.io अहवालानुसार, बजाज फिनसर्व्ह अ‍ॅप हे भारतातील प्ले स्टोअरवर फायनान्स क्षेत्रातील चौथ्या क्रमांकाचे सर्वाधिक डाउनलोड केलेले अ‍ॅप आहे.
त्याच वेळी, 30 सप्टेंबर 2023 पर्यंत, कंपनी 54,821 कोटी रुपये आणि 14 लाखांहून अधिक ठेवी बुक करणारी देशातील सर्वात मोठी कंपनी म्हणून उदयास आली आहे.