Home Loan : तुम्हीही घर घेण्याचा विचार करत असाल, तर स्टेट बँक ऑफ इंडिया (SBI) कडून स्वस्त दरात गृहकर्ज घेण्याची ही शेवटची संधी असू शकते. SBI ची विशेष गृह कर्ज ऑफर लवकरच संपणार आहे. या अंतर्गत, CIBIL स्कोअरच्या आधारे गृहकर्जाच्या सामान्य व्याजदरावर 0.65 टक्क्यांपर्यंत सूट दिली जात आहे. ही विशेष गृहकर्ज ऑफर केवळ 31 जानेवारी 2024 पर्यंत वैध आहे.
Flexipay, NRI, सॅलरी क्लाससह सर्व गृहकर्जांसाठी 0.65% पर्यंत सूट वैध आहे. गृहकर्जावरील व्याज दर CIBIL स्कोअरवर अवलंबून बदलतो. आता या ऑफरचा लाभ घेण्यासाठी ग्राहकांकडे फक्त 2 दिवसच शिल्लक आहेत.
CIBIL स्कोर काय आहे?
CIBIL स्कोअर ही तीन अंकी संख्या आहे जी कोणत्याही व्यक्तीची आर्थिक विश्वासार्हता आणि इतिहास सांगते. हे 300 ते 900 दरम्यान मोजले जाते. गृहकर्ज, वैयक्तिक कर्ज, क्रेडिट कार्ड आणि कार लोन इत्यादी घेताना CIBIL स्कोर पहिला जातो.
CIBIL स्कोअरवर आधारित गृहकर्जावर किती सूट मिळेल?
सिबिल स्कोअर 750-800
CIBIL च्या 750-800 आणि त्यावरील स्कोअरसाठी, सवलतीशिवाय प्रभावी दर 9.15 टक्के (EBR 0 टक्के) आहे. त्याच वेळी, ऑफर कालावधी दरम्यान प्रभावी दर 8.60 टक्के आहे.
सिबिल स्कोअर 700-749
CIBIL स्कोअर 700 -749 दरम्यान गृहकर्ज घेणाऱ्यांना 0.65 टक्के सवलत मिळेल आणि 8.70 टक्के (EBR-0.45 टक्के) व्याजदर दिला जाईल. सवलतीशिवाय प्रभावी दर 9.35 टक्के आहे.
सिबिल स्कोअर 650-699
CIBIL स्कोअर 650-699 दरम्यान गृहकर्ज घेणाऱ्यांना कोणतीही सवलत मिळणार नाही आणि व्याज दर 9.45 टक्के राहू शकतो.