Post Office Saving Schemes : महिन्याला नियमित परतावा हवा असेल तर पोस्टाच्या ‘या’ योजनेत करा गुंतवणूक !

Post Office Saving Schemes : पोस्ट ऑफिसद्वारे अनेक सरकारी बचत योजना चालवल्या जात आहेत. ज्याद्वारे लोकांना जोरदार परतावा दिला जात आहे. यामध्ये पोस्ट ऑफिसची मासिक उत्पन्न योजनेचा देखील समावेश आहे. जी सध्या देशभर लोकप्रिय होत आहे. या पोस्ट ऑफिस योजना अशा लोकांसाठी योग्य आहेत ज्यांना त्यांच्या बचतीवर नियमित उत्पन्न हवे आहे. ही योजना पूर्णपणे सुरक्षित आहे.

या योजनेत गुंतवणूक करून, तुम्हाला कोणत्याही प्रकारच्या बाजारातील जोखमीचा सामना करावा लागणार नाही. पोस्ट ऑफिस मंथली इन्कम स्कीममध्ये गुंतवणुक करून तुम्हाला मोठा फायदा होतो. सध्या तुम्हाला मासिक उत्पन्न योजनेत गुंतवणुकीवर 7.4 टक्के व्याज दिले जात आहे.

पोस्ट ऑफिसच्या या स्कीममध्ये सिंगल आणि जॉइंट अशा दोन्ही पद्धतीने खाते उघडता येते. या योजनेत तुम्ही तीन लोक मिळून संयुक्त खाते देखील उघडू शकता.

जर तुम्ही तुमच्या पत्नीसह या योजनेत गुंतवणूक केली तर अशा परिस्थितीत तुम्ही जास्तीत जास्त 15 लाख रुपयांपर्यंत गुंतवणूक करू शकता. जर तुम्ही संयुक्त खात्यात 15 लाख रुपये गुंतवले तर तुम्हाला 7.4 टक्के व्याजदराने वार्षिक 1.11 लाख रुपये मिळते. तसेच यात तुम्हाला मासिक 9250 रुपये मिळतील. या योजनेत 18 किंवा त्याहून अधिक वयाची व्यक्ती गुंतवणूक करू शकते.

पोस्ट ऑफिसच्या या अप्रतिम स्कीममध्ये तुम्ही फक्त 1,000 रुपयांच्या मासिक गुंतवणुकीत खाते उघडू शकता. जर तुम्हाला तुमच्या बचतीच्या पैशावर नियमित उत्पन्न मिळवायचे असेल तर ही योजना तुमच्यासाठी एक अद्भुत योजना आहे.