business plan
Business Tips:- कुठलीही गोष्ट जर तुम्हाला नवीन सुरू करायची असेल तर त्या अगोदर त्या सुरू करत असलेल्या गोष्टीविषयीचे महत्त्वाची माहिती तसेच येऊ शकणाऱ्या संभाव्य अडीअडचणी व त्यावरील उपाय यासारखे इतर अनेक गोष्टींचा व्यवस्थित अभ्यास करून मग सुरुवात करणे हे फायद्याचे ठरते.
नुसते तुम्ही एखादी गोष्ट सुरुवात केली व काबाडकष्ट करायला लागले व ते यशस्वी होईल हा जर तुमचा समज असेल तर हे चुकीचे आहे. एक व्यवस्थित प्लॅनिंग करून केलेली सुरुवात ही नक्कीच यशस्वी होते. अगदी हिच बाब कुठलाही नवीन व्यवसाय सुरू करताना देखील लागू होते. व्यवसाय जर तुम्हाला विकसित आणि यशस्वी करायचा असेल तर कष्ट तर लागतातच.
परंतु त्या अगोदर काही महत्त्वाच्या गोष्टींची काळजी घेणेदेखील तितकेच गरजेचे असते. त्यामुळे तुम्हाला देखील जर नवीन व्यवसाय सुरू करायचा असेल तर त्याआधी काही गोष्टींची काळजी घेणे खूप गरजेचे आहे. तुम्ही जर या गोष्टी पाळल्या तर व्यवसायात यश मिळवण्यासाठी खूप मोठ्या प्रमाणावर तुम्हाला मदत होऊ शकते.
नव्याने व्यवसाय सुरू करण्याअगोदर या टिप्स वापरा
1- व्यवसाय सुरू करण्या अगोदरचे काम म्हणजेच प्री वर्किंग- ही एक सर्वात महत्त्वाची गोष्ट आहे. जर तुम्हाला तुमचा व्यवसाय सुरू करायचा असेल तर त्या व्यवसायाच्या संबंधित असलेला तुमच्या ग्राहकाला काय हवे आहे व त्याची मागणी काय आहे? हे तुम्हाला समजून घेणे खूप गरजेचे आहे व याकरिता तुम्हाला सर्वेक्षण करावे लागेल.
तुमच्या ग्राहकाची मागणी आणि त्यासाठी आवश्यक असलेल्या बाजार व्यवस्थेचा अभ्यास करून त्याप्रमाणे तुम्ही तुमचा प्लॅनिंग करणे गरजेचे आहे.
2- तसेच महत्त्वाचे म्हणजे एखादे सॅम्पल म्हणून उत्पादन तयार करून ते लोकांना वाटणे देखील खूप गरजेचे आहे. अशाप्रकारे सॅम्पल प्रॉडक्ट लोकांना दिल्यामुळे लोकांच्या सूचना आणि त्या उत्पादनाविषयीचे लोकांची मते तुम्हाला जाणून घेता येतात व त्यानुसार तुम्हाला तुमच्या उत्पादनामध्ये बदल करता येतो.
अशाप्रकारे सर्व गोष्टींनी बदल करून आपले उत्पादन बाजारामध्ये आणावे. योग्य मार्गाने परिपूर्ण उत्पादन तयार करण्याचा विचार करत आहात तर प्रारंभ करावा आणि नंतर त्याची विक्री करावी.
3- तसेच तुमचे जे काही ग्राहक आहेत त्यांना अधिक चांगल्या प्रकारे सेवा देण्याकरिता आवश्यक असलेल्या पर्याय शोधावे. पैशाचा वापर करून तुम्ही तुमचा व्यवसाय वाढवू शकतात व त्याला गती देखील देऊ शकतात. परंतु इतर गोष्टी देखील व्यवसायाच्या वाढीसाठी आवश्यक असतात आणि तो व्यवसाय यशस्वी करण्यामध्ये मोठी मदत करत असतात.
यामध्ये जर तुम्ही तुमची स्वतःची चांगली वेबसाईट बनवली तर फायदा होतो व या वेबसाईटची पुढे विक्रीसाठी देखील मदत होते. याकरिता ग्राहकांची एक यादी तयार करा व त्यांना जे हवे आहे ते त्यांना द्या.
तसेच जास्तीत जास्त सुधारणा करण्यावर भर द्या व तुमचे प्रॉडक्ट किंवा व्यवसायाच्या माध्यमातून तुम्ही जी काही सेवा देत असाल ती जास्तीत जास्त चांगली कशी राहील याकडे लक्ष ठेवून काम करत रहा.
4- तसेच तुमच्या ग्राहकांकडून कायम अभिप्राय घेत रहावे व त्यांच्या अभिप्रायानुसार उत्पादनामध्ये आवश्यक त्या सुधारणा करा. वेळोवेळी ग्राहकांची मते जाणून घेऊन स्वतःला जागरूक ठेवा. म्हणजेच व्यवसायामध्ये त्यानुसार आवश्यक ते बदल करण्यामध्ये स्वतःला पुढे ठेवा.
5- व्यवसाय वाढीसाठी सोशल मीडियाचा उत्तम वापर करा. फेसबुक सारख्या माध्यमाचा वापर करा व तुमचे जे काही ग्राहक असतील त्यांचे ग्रुप बनवा. त्या माध्यमातून लोकांच्या सूचना तसेच चांगल्या गोष्टी तुम्हाला कळतात व व्यवसायामध्ये त्याचा फायदा तुम्हाला करून घेता येतो व विक्रीकरिता मदत होते.
तसेच व्यवसायामध्ये स्वतःचा ब्रँड तयार करा. तसेच तुमचे जे टार्गेट ग्राहक असतील त्यांच्यापर्यंत पोहोचण्यासाठी तुम्हाला ब्रँडची खूप मोठी मदत होते.
ब्रँडच्या माध्यमातून तुम्ही तुमच्या ग्राहकांमध्ये विश्वास संपादन करू शकतात व तुमचा व्यवसाय ग्राहकांपर्यंत जास्तीत जास्त प्रमाणात पोहोचवू शकतात व निश्चितच यामुळे तुम्हाला फायदा होतो.