Bank Holiday
Bank Holiday : जर तुमचे पुढील महिन्यात बँकेशी संबंधित कोणतेही काम असेल तर ही बातमी तुमच्यासाठी उपयुक्त ठरू शकते. कारण पुढील महिन्यात विविध कारणांमुळे म्हणजे जूनमध्ये अनेक दिवस बँका बंद राहणार आहेत. अशास्थितीत तुमचे बँकेचे काम रखडू शकते.
पुढील महिन्यात जूनमध्ये एकूण 10 दिवस बँका बंद राहतील. यापैकी 5 रविवार आणि 2 शनिवार बँकांना सुटी असल्याने बँकांचे कामकाज होणार नाही. तसेच देशातील विविध भागात तीन दिवस बँका बंद राहणार आहेत.
बँका कधी बंद राहणार?
जूनची पहिली सुट्टी 2 जून रोजी असेल, तेव्हा रविवारी बँका बंद राहतील. सणांबद्दल बोलायचे झाले तर 15 जूनला राजा संक्रांतीमुळे आयझॉल आणि भुवनेश्वरमध्ये बँकांचे कामकाज होणार नाही. त्याच वेळी, 17 जून रोजी बकरीद/ईद-उल-अजहा निमित्त देशभरात बँका बंद राहतील.
जम्मू आणि श्रीनगरमध्ये बकरीदची सुट्टी दोन दिवस असते. अशा स्थितीत 18 जूनलाही येथील बँका सुरू होणार नाहीत. या तीन सुट्ट्यांसह शनिवार आणि रविवारच्या सुट्ट्यांमुळे उर्वरित सात दिवस बँका बंद राहणार आहेत.
जूनमध्ये इतके दिवस बँका बंद राहणार आहेत
-रविवार 2 जून सर्वत्र
-8 जून 2रा शनिवार सर्वत्र
-रविवार 9 जून सर्वत्र
-15 जून राजा संक्रांती आयझॉल-भुवनेश्वर
-रविवार 16 जून सर्वत्र
-17 जून बकरीद / ईद-उल-अजहा सर्वत्र
-18 जून बकरीद/ईद-उल-अझहा जम्मू आणि श्रीनगर
-22 जून चौथा शनिवार सर्वत्र
-रविवार 23 जून सर्वत्र
-रविवार 30 जून सर्वत्र
बँक बंद असताना व्यवहार कसे करता येतील?
ऑनलाइन बँकिंग आणि एटीएमसारख्या सुविधा सुटीच्या दिवशीही सुरू आहेत. तुम्हाला कोणताही महत्त्वाचा व्यवहार करायचा असेल तर तुम्ही तुमचे काम या माध्यमातून पूर्ण करू शकता.