LIC Plans
LIC Plans : LIC ही देशातील सर्वात जुनी विमा कंपनी आहे. LIC आपल्या प्रत्येक श्रेणीतील ग्राहकांसाठी एका पेक्षा एक योजना ऑफर करते, या योजनांअंतर्गत LIC आपल्या ग्राहकांना विविध सुविधा देखील पुरवते. LIC कडे अशा अनेक योजना आहेत ज्या गुंतवणूकदारांना आकर्षित करण्यासाठी पुरेशा आहेत.
गुंतवणूकदार सुरक्षित गुंतवणुकीसाठी एलआयसी पॉलिसींवर विश्वास ठेवतात. खासगी क्षेत्रात काम करणाऱ्यांना पेन्शन आणि सुरक्षेचे जाळे मिळत नाही, अशा स्थितीत सेवानिवृत्तीचे नियोजन अगोदर करणे फार गरजेचे आहे. सेवानिवृत्ती निधी तयार करण्यासाठी अनेक गुंतवणूक पर्याय उपलब्ध आहेत, यातच एलआयसी जीवन अक्षय पॉलिसीचाही समावेश आहे. तुम्ही ही योजना निवृत्ती नियोजनासाठी देखील निवडू शकता.
एलआयसी जीवन अक्षय पॉलिसीबद्दल
जीवन अक्षय योजना ही एक तत्काळ वार्षिकी योजना आहे, जी एकल प्रीमियम पॉलिसी आहे आणि त्यात एकरकमी रक्कम गुंतवावी लागते. तुम्ही महिन्यातून एकदा, दर तीन महिन्यांनी, वर्षातून दोनदा किंवा संपूर्ण वर्षातून एकदा वार्षिकी भरू शकता. योजना सुरू होताच पेआउट सुरू होते, त्यामुळे तुम्ही तुमचा पेमेंट पर्याय नंतर बदलू शकत नाही.
तुम्हाला किती पेन्शन मिळेल?
या योजनेत तुम्ही जितकी मोठी गुंतवणूक कराल तितकी जास्त पेन्शन तुम्हाला मिळेल. तुम्ही किमान 1 लाख रुपयांची गुंतवणूक करू शकता. आणि किमान वय 30 वर्षे असावे. जर तुम्ही या योजनेत 5 लाख रुपये गुंतवले तर तुम्हाला 28,625 रुपये वार्षिक परतावा मिळेल. पेन्शन 2315 रुपये प्रति महिना, 6,988 रुपये तिमाही आणि 14,088 रुपये सहामाही येते.
16,000 रुपयांच्या पेन्शनसाठी दरमहा किती गुंतवणूक करावी लागेल?
तुम्हाला सेवानिवृत्तीनंतर LIC जीवन अक्षय प्लॅनद्वारे दरमहा 16,000 रुपये पेन्शन मिळवायचे असेल, तर तुम्हाला यासाठी 35 लाख रुपयांची एकरकमी गुंतवणूक करावी लागेल. यासह, तुम्हाला दरमहा 16,479 रुपये, तिमाहीत 49,744 रुपये, सहामाही रुपये 1,00,275 आणि वार्षिक 2,03,700 रुपये पेन्शन मिळते.