Pension Plan : आजच्या काळात पेन्शन योजना सर्व लोकांसाठी अत्यंत महत्त्वाची मानली जाते. वास्तविक, सेवानिवृत्तीनंतर आपले जीवन आर्थिकदृष्ट्या सुरक्षित असावे, अशी प्रत्येक व्यक्तीची इच्छा असते. म्हणूनच लोकं आतापसूनच बचतीला सुरुवात करतात.
यासाठी, बहुतेक काम करणारे लोक अगदी सुरुवातीपासूनच पेन्शनसह इतर फंडांमध्ये गुंतवणूक करण्यास प्राधान्य देतात. लोकांच्या या गरजा लक्षात घेऊन भारत सरकारसह अनेक खाजगी वित्तीय कंपन्या सुद्धा विविध प्रकारच्या योजना ऑफर करतात.
पेन्शन योजना ही दीर्घकालीन गुंतवणूक योजना आहे. यासाठी लोक साधारणपणे वयाच्या ४० च्या आसपास गुंतवणूक करण्यास सुरुवात करतात. यानंतर जसजसे लोक मोठे होतात तसतसे गुंतवणुकीचे प्रमाण म्हणजेच प्रीमियम देखील वाढू लागतो.
समजा एखादी व्यक्ती 57 वर्षांची असेल आणि निवृत्तीनंतर त्याला 25,000 रुपये मासिक पेन्शनची गरज असेल, तर त्याने गुंतवणूक पेन्शन योजनेत करावी की नाही. जर होय असेल तर त्यांना पेन्शन योजनेत किती गुंतवणूक करावी लागेल. किंवा कोणता पर्याय त्यांच्यासाठी उत्तम असेल ते जाणून घेऊया.
जर एखाद्या व्यक्तीचे वय 57 वर्षांच्या आसपास असेल, तर त्याला केवळ 3 वर्षांसाठी पेन्शन योजनेत गुंतवणूक करण्याची संधी मिळते. साधारणपणे, सर्व पेन्शन योजनांमध्ये, वयाच्या 60 व्या वर्षापासून पेन्शन सुरू होते.
अशातच जर तुम्हाला दरमहा 25,000 रुपये पेन्शन हवे असेल, तर वयाच्या 60 व्या वर्षी म्हणजेच मॅच्युरिटीच्या वेळी, तुमच्याकडे NPS सह इतर योजनांमध्ये अंदाजे 53 ते 54 लाख रुपये जमा असले पाहिजेत. म्हणजेच तुम्हाला वार्षिक 18 लाख रुपये किंवा मासिक 1.50 लाख रुपये गुंतवावे लागतील. तुम्ही वार्षिक, सहामाही, त्रैमासिक किंवा मासिक आधारावर गुंतवणूक करणे निवडू शकता.
गुंतवणूक आणि आर्थिक बाबींच्या तज्ज्ञांचे म्हणणे आहे की, वयाच्या ५७ व्या वर्षी कोणत्याही व्यक्तीने पेन्शन योजनेत गुंतवणूक करू नये. वयाच्या ५७ व्या वर्षी पेन्शनसाठी जास्त धोका पत्करणे योग्य होणार नाही, असे या लोकांचे म्हणणे आहे. अशा लोकांसाठी, जास्त जोखीम घेण्याऐवजी, त्यांनी म्युच्युअल फंड किंवा एसआयपीमध्ये गुंतवणूक करावी, कारण ते कमी जोखमीचे सिद्ध होऊ शकते. तसेच, अशा लोकांसाठी, ज्येष्ठ नागरिक बचत योजना आणि पोस्ट ऑफिस एमआयएसमध्ये गुंतवणूक करणे हा योग्य पर्याय ठरू शकतो. अनेक तज्ञांच्या मते, वयाच्या ५७ व्या वर्षी कमावलेले सर्व पैसे गुंतवून जोखीम घेऊ नये.
