Post Office Saving Schemes : पोस्ट ऑफिस आरडीमध्ये गुंतवणूक करून व्हा मालामाल; अशी करा गुंतवणूक….

Post Office Saving Schemes : पोस्टाकडून अनेक बचत योजना चालवल्या जातात, ज्या सर्व वर्गासाठी खूप फायदेशीर मानल्या जातात. जर तुम्ही देखील सध्या सरकारी बचत योजनांमध्ये गुंतवणूक करण्याचा विचार करत असाल तर स्मॉल सेव्हिंग स्कीम हा एक चांगला पर्याय आहे. या योजनांवरील व्याजदर देखील सध्या वाढवले आहेत.

सरकार पोस्ट ऑफिसच्या माध्यमातून अनेक लहान बचत योजना चालवत आहे. या योजनांमध्ये हमी परतावा उपलब्ध आहे. जर तुमच्याकडे एकाच वेळी गुंतवणूक करण्यासाठी मोठी रक्कम नसेल, तर तुम्ही दरमहा मासिक बचत करून देखील गुंतवणूक करू शकता.

तुम्ही पोस्ट ऑफिस रिकरिंग डिपॉझिटमध्ये दरमहा एक निश्चित रक्कम गुंतवू शकता. सरकारने पोस्ट ऑफिस आरडीवरील व्याजदरात नुकतीच सुधारणा केली होती. 1 ऑक्टोबर 2023 ते 31 डिसेंबर 2023 पर्यंत 5 वर्षांच्या पोस्ट ऑफिस RD वर 6.5 टक्क्यांऐवजी 6.7 टक्के वार्षिक व्याज मिळत आहे.

RD गुंतवणूक

दरमहा ५,००० रुपयांच्या आरडीमध्ये, तुम्ही एका वर्षात ६०,००० रुपये आणि पाच वर्षांत एकूण ३,००,००० रुपयांची गुंतवणूक कराल. तुम्हाला 5 वर्षानंतर 6.7 टक्के दराने 56,830 रुपये व्याज मिळेल. मॅच्युरिटीवर तुम्हाला 3,56,830 रुपये मिळतील. तुम्ही आरडीमध्ये दर महिन्याला 3,000 रुपये गुंतवल्यास, तुम्ही एका वर्षात 36,000 रुपये गुंतवाल. 5 वर्षात तुमची एकूण गुंतवणूक 1,80,000 असेल. पोस्ट ऑफिसच्या आरडी कॅल्क्युलेटरनुसार, नवीन व्याजदरांनुसार, तुम्हाला 34,097 रुपये व्याज म्हणून मिळतील. मॅच्युरिटीवर तुम्हाला एकूण रु 2,14,097 मिळतील.

पोस्ट ऑफिस बचत योजना दर तीन महिन्यांनी व्याजदर बदलते

RD वर मिळणाऱ्या व्याजावर TDS कापला जातो. RD वर मिळालेल्या व्याजदरांवर 10% TDS लागू आहे. जर RD वर एक महिन्याचे व्याज 10,000 रुपयांपेक्षा जास्त असेल तर TDS कापला जाईल. केंद्र सरकारचे वित्त मंत्रालय दर तीन महिन्यांनी लहान बचत योजनांवरील व्याजाचा आढावा घेते. या वेळी ऑक्टोबर ते डिसेंबर या सणासुदीच्या हंगामात सरकारने केवळ 5 वर्षांच्या आवर्ती ठेवींवरील व्याजदरात बदल केला आहे. उर्वरित योजनांवर जुन्या दराने व्याजदर लागू करण्यात आले आहेत.