Post Office Schemes : सरकारद्वारे अनेक बचत योजना चालवल्या जातात, यामध्ये पोस्टाच्या बचत योजनांचा देखील समावेश आहे. लोकांना बचत करण्यासाठी प्रवृत्त करण्याच्या उद्देशाने केंद्र सरकार पोस्टाद्वारे स्मॉल सेव्हिंग योजना चालते, ज्यावर ग्राहकांना आकर्षक व्याजदर देखील मिळतात. आज आपण पोस्टाच्या अशाच एका योजनेबद्दल बोलणार आहोत. जिथे तुम्हाला फक्त एकदाच गुंतवणूक करायची आहे.
पोस्टाची ही योजना म्हणजे मासिक उत्पन्न योजना (POMIS) आहे, ज्यावर गुंतवणूक मर्यादा 9 लाख रुपयांवरून 15 लाख रुपये करण्यात आली आहे. या योजनेद्वारे, गुंतवणूकदारांना दरमहा एक निश्चित रक्कम मिळू शकते.
केंद्र सरकारच्या पोस्ट ऑफिस मासिक उत्पन्न योजनेचे वैयक्तिक खातेदार 15 लाख रुपयांपर्यंत गुंतवणूक करू शकतात. पूर्वी गुंतवणुकीची रक्कम 4 लाख रुपये होती, ती आता 9 लाख रुपयांपर्यंत वाढवून 15 लाख करण्यात आली आहे. तर, किमान गुंतवणुकीची मर्यादा 1000 रुपये निश्चित केली आहे.
या योजनेत कोणताही भारतीय नागरिक गुंतवणूक करू शकतो. ज्येष्ठ नागरिकांच्या दृष्टिकोनातून ही योजना अतिशय उत्तम मानली जाते. यामुळे त्यांना दरमहा उत्पन्न मिळत राहते आणि त्यांचे पैसेही सुरक्षित राहतात. सध्या POMIS वर ७.४ टक्के व्याज आहे. अशा परिस्थितीत, जर तुम्हीही या योजनेतून कमाई करण्याचा विचार करत असाल, तर जाणून घ्या 5 लाख, 9 लाख आणि 15 लाखांच्या ठेवींवर तुम्हाला किती उत्पन्न मिळू शकते.
जर तुम्ही पोस्ट ऑफिस एमआयएसमध्ये 5 लाख रुपये जमा केले तर तुम्हाला 7.4 टक्के व्याज दराने दरमहा 3,083 रुपये मिळतील. जर तुम्ही जास्तीत जास्त 9 लाख रुपये गुंतवले तर तुम्ही दरमहा 5,550 रुपये कमवू शकता. जर तुम्ही संयुक्त खात्यात 15 लाख रुपये गुंतवले तर तुम्ही या योजनेद्वारे दरमहा 9,250 रुपये कमवू शकता.
जर पोस्ट ऑफिस एमआयएसमध्ये मॅच्युरिटीपूर्वी पैसे काढण्याची गरज असेल, तर तुम्हाला ही सुविधा एक वर्षानंतर मिळते, पण त्यापूर्वी रक्कम काढायची असेल तर ते शक्य नाही. तथापि, प्री-मॅच्युअर क्लोजरच्या बाबतीतही तुम्हाला दंड भरावा लागेल. जर तुम्ही एक वर्ष ते तीन वर्षांच्या दरम्यान पैसे काढले तर ठेव रकमेतील 2% कपात केली जाते आणि परत केली जाते.
जर तुम्हाला खाते उघडल्यानंतर तीन वर्षांनी आणि 5 वर्षापूर्वी पैसे काढायचे असतील, तर जमा केलेल्या रकमेतून 1% वजा केल्यावर ठेव रक्कम तुम्हाला परत केली जाते. त्याच वेळी, 5 वर्षे पूर्ण झाल्यानंतर, तुम्हाला संपूर्ण रक्कम परत मिळते.